Kokrajhar Nailar 16: Ka NorthEast United FC kala ioh rung sha ka Semifinal jong ka 134th Indian Oil Durand Cup da kaba pynrem da 4-0 ia ka Bodoland FC ha SAI Stadium ha ka sngi Saitjain.
U Alaaeddine Ajaraie ula ioh thep kol ha ka minit kaba 29 bad 61, katba u Andy Rodriguez ula ioh thep ha ka 53 minit bad u Parthib Gogoi ula the pia ka kol ha ka minit kaba 90+2.
Kane ka jingjop kala pynlong ia ka NEUFC ban ioh rung da kaba suk sha ka Semifinal bad mynta kan hap ban iakhun pyrshah ia ka Shillong Lajong FC ha ka semifinal kaban long ha ka 19 tarik u Nailar ha JN Stadium, Shillong.
Kane ka jingiakhun kan dei ha ka sien ka baar hapdeng kine ki ar tylli ki kynhun ha kane ka lympung iakob kaba la long mynta u snem, ha kaba ka NorthEast United FC kala pynrem da 2-1 ia ka SLFC ha ka group stage.
Ha u snem ba la dep ruh, ka NEUFC kala iakhun pyrshah ia ka SLFC ha ka semifinal jong ka Durand Cup ha kaba ka NEUFC kala jop da 3-0.
