Shillong, Jylliew 9: Lai ngut ki rang ialehkai Cricket ka Meghalaya, kila shah jied ban mihkhmat ia ka North East Zone ha ka lympung ialehkai Duleep Trophy, 2023.
Kine ki lai ngut ki rang ialehkai ka Jylla ki kynthup ia u Nongtied (batter) Kishan Lyngdoh, u Nongkawang fast bowl Akash Kumar Choudhury bad u All-rounder Dippu Ch Sangma.
Ia ka kynhun ba 15 ngut ki rang ialehkai ka North East Zone la jied ha ka jingialang jong ka Zonal Selection Committee, ba kin leit mihkhmat sha ka Duleep Trophy bala pyniaid da ka BCCI.
Ia kane ka jingialang ka Committee la pyniiad da u Zonal Convener bad President ka Meghalaya Cricket Association Naba Bhattacharjee, kaba long myn ha ka sngi U Blei ka 4 tarik Jylliew.
Lah ban kdew hangne ba ka lympung ialehkai jong ka Duleep Trophy kan sdang hapdeng ka 28 tarik Jylliew haduh ka 28 tarik u Naitung.
Mynno ba ka Duleep Trophy ka Sdang
Ka Duleep Trophy kala sdang ha usnem 1961-1962, ka dei ruh kawei na ki lympung ialehkai ba heh bha jong ka Board of Control for Cricket (BCCI) bala pynialehkai hala iing.
Kane ka wanrah ia ki rang ialehkai ha ki kynhun ba iakhlieh lang na ki hynriew tylli ki Zone.
Hynrei, ka North East Zone ka dei kaba dang shu pynkha ha u snem 2019-2020.
Kumno la jied ia ki Rang ialehkai
Ki rang ialehkai jong ka North East squad kila shah jied hadien ka “jingbishar bniah ia ki record, statistic” kynthup kiwei kiwei ki jingtip shaphang u rang ialehkai na ki hynriew tylli ki Zonal state (Meghalaya, Sikkim, Manipur, Nagaland, Mizoram bad Arunachal Pradesh) ha ka senior domestic tournament ka BCCI bala pynlong ha u snem 2022-2023 khamtam ka Ranji Trophy bad ka lympung ialehkai One Day jong ka North East Cricket Development Committee.
Ka kynhun ialehkai ka North East Zone:
R Jonathan (Nagaland, Captain), Nilesh Lamichaney (Sikkim, Vice-Captain), Dippu Ch Sangma (Meghalaya), Akash Kumar Choudhury (Meghalaya), Kishan Lyngdoh (Meghalaya), AR Ahlawat (Arunachal Pradesh), Joseph Lalthankhuma (Mizoram), Prafullamani (Manipur, Wicketkeeper), Rajkumar Rex Singh (Manipur), Kishan Singha (Manipur), Jotin Pheiroijam (Manipur), Langlonyamba (Manipur), Palzor Tamang (Sikkim), Imliwati Lemtur (Nagaland), Nagaho Chishi (Nagaland)
Support staff:
Sonam Palden Bhutia (Sikkim, Coach), Vikash S Chauhan (Meghalaya, Trainer), Th Kamlesh (Manipur, Physio), Dister Marbaniang (Meghalaya, Manager)
Reserve players:
Dika Ralte (Mizoram), Lee Yong Lepcha (Sikkim), Nabam Abo (Arunachal Pradesh),
 bala pynialehkai hala iing){kind=link}