Shillong, Jylliew 19: Ka Dorbar jong ka Khasi Hills Autonomous District Council (KHADC) ha ka sngi Thohdieng, ka la sakhi ia ka drama ha kaba u nongialam ka Liangpyrshah bah Titosstarwell Chyne u la ialam ia ka Kynhun ban mih jyndat naka Dorbar kum ka jingpyrshah ia ka jingkynnoh ba khanglad ban iatai ia ka Khasi Hills Autonomous District Council Service Rules, 2026.
Shwa ban mih noh naka Dorbar u Bah Titos u la kynthoh ïa ka Executive Committee ba kala kiar ban iatai bad khanglad ruh ïa ki dkhot ba la jied da u paidbah ban ïoh ïa ka hok ban kren hapoh Iingdorbar.
“Lada phim ailad ban iakren, ka mut phi la kyntait ia ngi kum ki nongmihkhmat paidbah, ka EC ka don ia ka jingbun paid (Number), te balei ka tieng ban iakren, ngi lah ban shong hangne haduh ka por 8 baje mynmiet lada donkam”, u la ong.
U bah Titos u la bynrap ba la jied ia u ban kren bad un nym pynlut por ban wan sha ka dorbar lada ym shah ia u ban kren ha ka iingdorbar.
U la pan jingbit ban kren tang ka bynta ba nyngkong jong ka Service Rules da kaba kynthoh ba dei ban ailad ia ki dkhot namar ba la ailad ban iakren ia kane ka mat ha ka sngi kaba la dep.
“Kane ka pyni ba phi sheptieng. Phi la pynduh ia nga ia ka hok jongnga ban kren hapoh ka iing dorbar. Ka service rules kam don eiei na ka bynta ki nongtrei”, u la ong.
Haka por ba mih na ka iing dorbar, u Bah Titos ula ong ba kane ka paw shai ba dei ka jingpyndonkam bakla ia ka bor da ka Liang synshar”.
U Shnongknor Bah Strongpillar Kharjana u la iada ia kane ka rai bad u la ong ba ia kane ka rai la shim katkum ka rukom treikam.
“Ngam shym la kyntait ia ka. Kata ka Rule ka long kaba teh ia u Chairman ban ailad. Phi la dei ban kdew ei ei hangne, lane phi la dei ban ai da kiwei pat ki kyntien kiba lah ban bujli hadien ka jingiakren. Lada phi shu delete, ngan ym shah ia phi ban kren ia kaei kaei kaba khlem jingmut. Ka long ka jingjah burom iaka shuki u Shongknor” ula ong.
Nangta u Bah Strongpillar u la khot ia ki dkhot ban ieng ban pyni ia ka jingkyrshan ne jingpyrshah ban wan rah ia ka jingpynkylla, bad u la ong, “Nga la iaid katkum ki Rules. Ngam shym la kyntait ia phi. Ka dei ka jingbakla jong phi.”
U Chief Executive Member (CEM) Winston Tony Lyngdoh u la kyrshan ïa kane ka rai jong u Shnongknor daka ba ong “Kam dei ba ngi tieng. Ka shong ha ki kyndon pyniaid jong ka iingdorbar” u la ong.
 ha ka sngi Thohdieng, ka la sakhi ia ka drama ha kaba u nongialam ka Liangpyrshah bah Titosstarwell Chyne u la ialam ia ka Kynhun ban mih jyndat naka Dorbar kum ka jingpyrshah ia ka jingkynnoh ba khanglad ban iatai ia ka Khasi Hills Autonomous District Council Service Rules, 2026.){kind=link}