Shillong, Jylliew 28 : Ka Voice of the People Party (VPP) ba synshar ia ka Khasi Hills Autonomous District Council (KHADC) kala kdew ia ka mukotduma jong ki nongtrei ba shah beh kam dang shen, kum ka daw ba bsut lang ia ka supplementary demand u snem 2024-25 ha ka mang tyngka 2025-26 jong ka Council.
U Executibe Member ka tnad Finance Bah Seiborlang Warbah ha ka sngi Palei, ula ong ba ka rai ban pynrung lang ia ka supplementary demand ha ka mang tyngka ka dei namar ba ka mukotdma ba iadei bad ka jingbeh kami a ki katto katne ki nongtrei dang shen, ka dang iaid ha ka jingbishar ka Iingkashari.
Ula pyntip ia kane haba jubab ia ka cut motion bala wanrah hapoh ka Dorbar Lyiur ba kut hynne ka sngi Palei. U Nongialam ka Liang Iatei Bah Titostarwell Chyne ula pan jingshai halor ka rai ka EC ban nym pynbeit ia ka jingbakla da kaba pynrung ia ka DC u snem 2024-25 ha ka mang tyngka ba pura.
“Kaei kaba pynlong ia ka EC ban nym weng ia ka SD n aka mang tyngka ba pira. Phi tip ba kane kan sa wanrah jingeh ia ka EC. Jin ba phi weng noh ia ka SD, kan nym shuh kano kano ka jingsngewthuh bakla halor kane ka kam” ong u Bah Titos.
Hynrei u Bah Warbah ula iai ban ha ka jubab da kaba ong “Naba kane ka kam ka dang sah ha ka jingbishar ka Iingkashari, kam don eiei shuh kaba ngi lah ban leh”.
U Bah Titos ula thalain tyngeh ia ka jubab u EM bad ong ba kam shym la don kano kano ka jingbthah na ka Iingkashari ba iadei bad ka mukotduma ba weng kam ia ki nongtrei bad ong “Baroh ki tip ba ka Iingkashari kala pynsangeh ia ka hukum bala pynmih da ka EC ban behkam ia ki nongtrei bala thung da ka EC barim”.
Ula pan jingshai shuh shuh ia ki sienjam kiba ka EC kan shim naba kine ki nongtrei ba shah ktah kila wan trei biang iala ka kam hadien ka hukum ka Iingkahari.
Wat hapdeng ka jingtuklar u Chairman ban nym iakren than ia kane ka kam,u Bah Titos ula pynbor ia ka EC ba kan pynshai shuh shuh ia ka Iing halor ki sienjam ba kan shim lada ka Iingkashari ka pynmih ia kahukum kaba pynksan ia ki nongtrei kiba shah ktah.
Ia kane, u Bah Warbah ula ong ba ka supplementary demand kan khmih ia kane ka bynta lada ka jia kumba la pynman da Nongialam ka Liang Iatei.
Haba bynrap ia ka jubbah, u CEM ka KHADC Shemborlang Rynjah ula ong “Lada donkam, ka EC kan sa wanrah sa kawei ka SD halor kane ka kam”.
 ba synshar ia ka Khasi Hills Autonomous District Council (KHADC) kala kdew ia ka mukotduma jong ki nongtrei ba shah beh kam dang shen, kum ka daw ba bsut lang ia ka supplementary demand u snem 2024-25 ha ka mang tyngka 2025-26 jong ka Council.){kind=link}