Shillong, Rymphang 13 : U MLC ka Bihar bad Convener ka Budget Publicity Campaign ha ka Thain Shatei Lam Mihngi, Devesh Kumar, ula ban jur ia ka jingkongsan ka jingkyrshan jong ki trai shnong ban pyniasoh lynti rel ha ki lai tylli ki Jylla ka thain kynthup ka Meghalaya.
“U Myntri Rangbah Duh u kwah ba kawei pa kawei ka Jylla kin iasoh noh da ka lynti rel, hynrei ia kane yn hap ban leh da ka jingiarap jong ki trai shnong” ong u Kumar haba pynpaw ia ka jingai jing myntoi ka lynti rel ba dang shu pyniasoh shen ha Mizoram.
U Kumar ula bynrap ba tang lai tylli ki Jylla ha ka thain Shatei Lam Mihngi ki bym pat don lynti rel bad ka Sorkar ka “kwah eh” ban pynpoi ia ka lynti rel da ka jingiatreilang ki trai shnong.
Ka Nongaiktien ka BJP Shazia llmi kala pynpaw ia kane kajuh ka jingsngew bad ong “Ki kam kila sdang…ngin sa pynthikna ban iarap lang bad ngi kmen shisha ba baroh ki Jylla kin iasoh lynti rel noh”.
