Nongstoiñ, Jylliew 19: Hadien u ‘lap bah ha kine ki sngi, ka leit ka wan ha ka surok Nongstoiñ-Maweit ka la thut bha mynta ka sngi, namar ka jingtwa khyndew bad khyllem jong ki dieng ha rud jong kane ka surok.
Kane ka jingtwa khyndew ka jia hynne ka step ha ki bun jaka shwa ban poi ka shmong Risiang.
Na ka liang ki puh shilum ka Dhar Company kaba pyntrei ïa ka surok Nongstoiñ-Maweit, ki la pyrshang ban pynkhuid katba lah naduh ka por 1 baje eiei. Tangba ka leit ka wan ki paidbah khamtam kiba pang ba shitom ka la ktah jur bha.
Katto katne ki dkhot ka KSU West Khasi Hills, kiba leit donkam sha katei ka thaiñ, kiba la lap dalade ïa kane ka jingjia.
