Dep sam 63,731 tyli ki form ha ka sngi ba 3 ka SIR ha ki 15 constituency ka EKH

Shillong, Naitung 02: Ka jingpynthymmai iaka thup kyrteng thep vote (Electoral Roll) ka dang iaid shaid shaid ha kylleng ki jaka ka East Khasi Hills, ha kaba ki Booth Level Officer ki la leit sha ki 898 tylli ki jaka thep vote naduh ka 30 tarik Jylliew ban sam ia ki phorm lum jingkhein (Enumeration Form) sha ki longiing ha baroh 15 tylli ki Assembly Constituency jong ka District.

La sam 63,731 tylli ki phorm lum jingkhein briew (Enumeration Form) bad 1,401 tylli la pynrung haki kor Computer haduh ka 2 tarik Naitung lai sngi hadien ba la sdang iaka Special Intensive Revision (SIR) ha Meghalaya.

Ia kane ka jinglum jingkhein briew la buh ban pyndep haduh ka 29 tarik Naitung.

“Ka Special Intensive Revision Enumeration Phase ka la sdang naduh ka 30 tarik Jylliew 2026 ha baroh ki 898 tylli ki bynta jong baroh ki 15 tylli ki Assembly Constituency kiba don ha East Khasi Hills District” la ong u District Election Officer.

Napdeng ki constituent, ka Pynursla ka dei ka thain kaba bun tam ki Form bala sam paidbah phom katba ka Mawlai bad Mawryngkneng ruh ki la sakhi ba bun bha ka jingsam Form. Ha kaba ïadei bad ka jingpynrung haki dor Computer, ka Mawphlang ka la lamkhmat bud sa ka Nongthymmai bad ka Mawlai.

Ki heh Sorkar ki la iathuh ba ia ka jingleit sha ki thliew iing la buddien bha, da kaba buh jingthoh ia ki dur jong ka rukom khein briew ban ioh jingtip. La pyntreikam ruh ia ka District SIR Helpline naka bynta ban iarap iaki paidbah lada ki donkam.

“Ka District SIR Helpline ka la pdiang 9 tylli ki Phone Call haduh ka 2 tarik Naitung 2026 bad iaki jingeh la lah ban pynbeit” la ong ka kyrwoh.

Ia ka SIR la pynlong hapoh ka phang pdeng jong ka Election Commission of India kata ka “Greater Participation for a Stronger Democracy”.

U District Election Officer u la ong ba ka jingthmu jong ka SIR ka long ban pynthikna ia ka thup kyrteng thep vote hashwa ki ilekshon ban wan.