Shillong, Nailar 28 : U Symbud Myntri Rangbah ba khmih ia ka Tnad PWD (Roads) Bah Prestone Tynsong ha ka sngi Balang ula pyntip ba ka kam thied jaka haduh mynta na ka bynta ban shna ia ka surok 2-lane Shillong Western Bypass kala dep kumba 95%.
Ula pyntip ba haduh 96.33% lah pyndep ia ka jingthied jaka ha East Khasi Hills bad 94.50% la dep ha Ri-Bhoi District.
Haba jubab hapoh ka Iingdorbar Thaw Ain, u bah Prestone u pyntip ba haduh T. 5,92,03,07,291 la mang ia ka song pisa ban siew bai jaka ha kaba haduh T. 479,46,09,470 ka dei ha East Khasi Hills District bad T.112,56,97,821 ka dei ia ki jaka ha Ri-Bhoi District.
U pyntip ba ka jingpyntrei ia kane ka prokect la khmih lynti ba kan sdang ha u bnai Nailur 2024 hadien bala kut ka lyiur.
La khmih lynti ban pyndep ia kane ka project hadien 2 snem naduh ka sngi ba sdang pyntrei ia ka kam.
