Shillong, Nailar 22: Ka Search Committee bala khlieh da u Chief Secretary Donald P Wahlang, kala dep jied ia ka kyrteng jong u Chairperson bad ki Dkhot jong ka Expert Committee ki ban sa shong bishar thymmai ia ka Reservation Policy ka Jylla.
Ia ka kyrteng jong u Chairperson bad Dkhot ka Committee yn sa rah sha ka jingialang jong ka Kynhun Myntri ba kan ai ia ka rai ba khatduh na ka Sorkar.
Ka Sorkar Meghalaya kala ai jingmut ba kane ka Committee kan dei kaba don 5 ngut ki dkhot bad kan don ia ki riew shemphang na ki kam bapher bapher. Kane ka panel kan kynthup ia ki dkhot na Jylla bad kumjuh ruh kiba nabar ka Jylla.
Ha kajuh ka por, u Myntri Rangbah ka Jylla Conrad K Sangma ula iathuh ha ka 21 tarik Jylliew ba ka Sorkar kala shimkhia bha ban wad ia ki dkhot ka Expert Committee kibym don ka jingiashah liang khnang ban pynthikna ia ka jingbishar kaba biang tarajur ia ka Reservation policy.
Kat kum ka jingong u Myntri Rangbah, ka kamram ba hakhmat eh jong ka Expert Committee ka long ba kan shong bishar ia ka Reservation Policy ka Jylla bad ban phah ia ki jingai jingmut ha kaban pynjanai lane pynkylla ia ka.
Pule ruh: Lynshop ka jingpang ‘niangmat’ ha Jylla : 1324 kiba pang ha EKH, 333 ha WGH bad 155 ha WJH
WATCH:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
