Shillong, Jylliew 18:Ka Tnad Animal Husbandry & Veterinary, kala dep ban injek ia palat 20,000 tylli ki masi ha kylleng ki bynta ka Jylla ban iada n aka jingsaphriang jong ka jingpang sniehdoh bala tip kum ka Lumpy Skin Desease (LSD).
Haba pyntip ia kane hynne ka sngi U Blei, u Secretary ba khmih ia ka Tnad Animal Husbandry Dr Manjunatha C ula pyntip ba ka Tnad kala iaid injek ia ki masi ban iada ia ka jingsaphriag ka LSD. Ula ong b aka Tnad kala dep ban injep palat 20,000 tylli ki masi kat haduh hynne ka sngi.
Palat 7200 tylli ki masi kila iabit ia kane ka jingpang bad haduh 4588 tylli la lah ban sumar ban kila ioh pat ia ka jingkoit.
Haduh mynta haduh 61 tylli ki masi kila iap na kane ka jingpang hapoh ka Jylla. Ki dang don sa palat 2500 tylli kiba dang kit ia une u khniang jingpang ha ka met.
U Dr Manjunatha ula kyntu ia ki nongri masi ba kin shah ia ki briew ka Tnad ba kin wan ai injek ia ki masi jong ki namar kane kan iada ia ki masi ba ki ri na ka LSD.
“Ka jingsumar kala iaid ruh ia kitp ki masi ba don jingpang ba kin koit noh. Ki Nongrep ki lah ban phone ha u helpline number” ula ong.
Haba pynmih ia ki jingbthah dang shen, ka Tnad kala ong ba ka jingpang LSD kam dei satia kaba iabit sha ki briew. Hynrei, ia ka doh bad ka dud jong ki masi ba pang ym dei satia ban iabam ne ban die.
Ka jingpang LSD ka dei ka jingpang khiang kaba saphriang na ka jingdait pyrjong, ki skain bad kki thyllah. Ki mrad ba ioh ia kane ka jinglang ki lah ban jem hi hapoh ka 2-3 taiew.
Kala bthah ruh ba ia ki jaka ba don ki masi ba pang, dei ban synreit da ka dwai sodium hyphichlorite (2-3%) lane ka phenal (2%/15 minit) lane ka formalin (1%).
La bthah ia ki nongrep ba kin phone sha ki Rapid Response Team jong ka Tnad lyngba ki helpline number ba kin lei tai injek bad sumar ia ki masi jong ki hapoh ki sem.
Lada don ki masi ba iap, ia ka met dei ban shu tep, la ong ka Tnad haba bynrap ba ki iew masi kiba don hapoh ka 10 Km radius na ka thymmei jong ka jingpang ki dei ban khang khyrdep.
Pule ruh: Khang ka EJH ia ka Sonapur Tunnel ba iai bteng ban tuid ka khyndew ktieh
.){kind=link}