Shillong, Jylliew 23 : U Symbud Myntri Rangbah ba khmih ia ka Tnad Trsnport Bah Sniawbhalang Dhar ha ka sngi Ba-ar ula pynpaw ba ka jingpyndonkam ia ka umphniang ba khlem ethanol ka dang dei tang ka “jingpyrshang’ bad ong b aka dang kloi palat ban bishar ia ki jingktah ia ki kali bad ia ki trai kali.
U Bah Sniawbha ula ong ba ka Sorkar kan sa bishar ia ka jingtreikam kane ka umphniang hashuwa ba kan shim ia ka rai ba khatduh, haba bynrap ba ka por jong ka umphniang ba khleh ethanol ka kham rit bad ka lah ban ai jingmyntoi bha ia ki paidbah.
“Ka dang dei tang ka jingpyrshang. Ia mynta, Ngam lah ban ong hooid ne em, la ka dei kaba dei ne ba bakla. To ngin kyrmen, namar man ki sienjam ba thymmai ki donkam ia ka jingpyrshang. To ngin pyrshang shuwa. Naba ka dor ka dei kaba kham rit, ka dei ban biang na ka bynta ki paidbah. Ngin sa iakhmih ruh ia ka na kiwei pat ki bynta- Lada ngi pyndonkam, kiei ki jingktah bad kiei ki plus bad minus na ka bynta ki kali” ong u Bah Sniawbha.
Ula bynrap ba ka tnad Transport kam pat shym la ioh pdiang satia ia kano kano ka jingujor da ka jingthoh na ki trai kali haduh mynta.
“Ngim pat pay ban ong hooid ne em, kaba bha ne ba sniew, hynrei ia mynta ka iaid bha. Ym pat don ba ujor” ula ong.
