SHILLONG, Risaw 31: U bah Lathom Khongsit napoh ka shnong Laitmawsiang Sohra hynne ka sngi ula dawa naka ophis Khatarshnong-Laitkroh CRD Block ban pynbiang iaka jingkhein jingdiah haba iadei bad jingpyntrei iaka surok Plastics Cell Road kaba don ha Laitmawsiang.
Haba kren sha ki lad pathai khubor u bah Lathom ula iathuh ba ula pan RTI haka 4 tarik Iaiong 2022 bad ula ioh iaka jubab haka 14 tarik Iaiong bad haka kaiphod la shu thoh beit ba la pyndonkam haduh T. 33 lak ban shna iaka surok kaba tang 1 km.
U bah Lathom ula iathuh ba la mang haduh T. 59.4 lak ban tei iaka surok Plastics Cell Road ha Laitmawsiang kaba tang 1.80 km hynrei la pynlut haduh T. 33 lak ban tei iaka surok kaba tang 1 km.
“Katkum ka kaiphod bala ioh lyngba ka RTI haka 14 tarik Iaiong 2022 la shu thoh ba la pynlut haduh T. 33 lak naka bynta ban tei iaka surok kaba tang 1 km ha Laitmawsiang” la ong u bah Lathom.
U bah Lathom ula kam ba kane ka jingbym biang ka jingkhien jingdiah bala ioh lyngba ka kaiphod na u Khatarshnong-Laitkroh CRD Block ka pyni ba ka jur ka jingbamsap ban tei iaka surok kaba tang 1.80 km.
