Shillong, Iaiong 01: U Working President ka National People’s Party (NPP) In-Charge Garo Hills u Marcuise N Marak u ba dei ruh u Myntri Sorkar u la dawa na u Myntri Rangbah ba rim ka Jylla u N Biren Singh ba udei ban panmap halor ka jingkynnoh ba u PA Sangma (Bam Kwai Dwar u Blei) u kwah ban phiah iaki Jylla hapoh ka thain Shathei Lammihngi (North East).
Haba pynrem iaki jingkynthoh, u Marcuise u la ong “U N Biren Singh udei uba la thaw iaki jingkulmar hapoh ka Jylla Manipur bad baroh ki tip ia kata hynrei mynta u tan kylla iaka kyrteng jong u PA Sangma watla um don shuh bad ngi ha kane ka sla pyrthei”.
“Kane ka long kaei kaei ka bym lah ban pdiang bad ngi pynrem jur ia kane ka jingkynnoh bad ngi dawa ba u N Biren Singh udei ban panmap mardor” la ong u Marcuise.
U Marcuise u la ong ba u PA Sangma (Bam Kwai Dwar u Blei) udei u nongialam ba janai bad u nongialam ba trei naka bynta ka bha ka miat ki paidbah khamtam ka thain Shathei Lammihngi (North East).
U la ong ba u PA Sangma (Bam Kwai Dwar u Blei) u don haka nongrim ba skhem kata ban pyniatylli iaki paidbah, ym ban pyniapait kumba la kynnoh da u N Biren Singh.
“Namar kata nga pynrem jur iaka jingkren u N Biren Singh bad naka liang ka NPP Garo Hills nga dawa ba udei ban panmap mardor” u la ong.
 In-Charge Garo Hills u Marcuise N Marak u ba dei ruh u Myntri Sorkar u la dawa na u Myntri Rangbah ba rim ka Jylla u N Biren Singh ba udei ban panmap halor ka jingkynnoh ba u PA Sangma (Bam Kwai Dwar u Blei) u kwah ban phiah iaki Jylla hapoh ka thain Shathei Lammihngi (North East).){kind=link}