Shillong, Lber 27: U MLA ka Ranikor konstitwensi naka United Democratic Party (UDP) u bah Puis Marwein hynne ka sngi ula dawa naka sorkar jylla ban shim khia haka ban kyntiew kyrdan noh iaka Mawpud Sub-Centre shaka Community Health Center (CHC).
Haba shim bynta haka jingiatai halor ka mang tyngka, u bah Puis ula iathuh ba kala donkam iaka sorkar ban kyntiew kyrdan noh iaka Mawpud Sub-Centre shaka CHC namar kane ka jaka ai jingsumar nalor ba kadei kaba la rim bha, ka la ai jingmyntoi ia bun tylli ki shnong kiba don markhap bad ka shnong Mawpud South West Khasi Hill.
“Ia kane ka jingdawa kyntiew kyrdan iaka Mawpud Sub-Centre nga la rah ruh ha ki snem bala dep hapoh ka ïing dorbar hynrei haduh mynta naka liang ka tnat ka koit ka khiah, kam pat shim la ai ia kano kano ka rai” la ong u bah Puis.
Haba jubab ia kane naka liang u Myntri Rangbah ka jylla u Conrad K Sangma ula pyntip ba shen un sa shim khia ia jingdawa kyntiew kyrdan iaka Mawpud Sub-Centre shaka CHC bad un sa iakren ia kane bad ka tnat ka koit ka khiah.
