Nongpoh, Rymphang 22 : Ki lai tylli ki Sengbhalang ka Ri-Bhoi District, kila dawa ia ki Pulit ba kin thwet, kem bad ai ka jingpynsajia ba tyngeh ia ki riewthrang snam kiba donkti ban pyniap bein ia u heprit Kitborlang Marbaniang, u khynnah 10 snem ha ka shnong Umtangar, Ri-Bhoi.
Kine ki seng ki dei ka KSU-Western Border Area, ka RBYF Patharkhmah Circle bad ka FKJGP Western Border Area. Kine ki lai tylli ki seng kila pynrem jur ruh ia kane ka kam bymman jong ki riew runar.
Kine ki seng kila leit iakynduh ia u Officer in Charge ka Patharkhmah Police Station ban kyntu ia ki Pulit ba kin shimkhia ha kaban thwet bad kem ia ki runar kiba donkti bad ban pynthikna ruh ba kin ioh ia ka jingpynsajia kaba tyngeh.
Une u Heh Pulit ula pyntip ba ka jingtohkit ia kane ka jingjia kala iaid shaid shaid ban lapksai ia ki briew kiba donkti.
Kine ki lai seng kila leit iakynduh ruh ia I Kmie bad Kpa jong une u heprit ban pynpw ia ka jingsngewlem halor kane ka jingjia nalor ka jingiakynduh ia u Sordar ban tip kham bniah ia kaei kaba jia.
