Shillong, Lber 18 : Ki lai tylli ki Sengbhalang ha ka sngi Nyngkong kila dawa ia ka Sorkar Meghalaya Democratic Alliance (MDA) ba ialam da ka National Peoples’ Party (NPP), ba kan dawa ia ka Sorkar Pdeng ba kan pyllait noh pura ia ka Meghalaya na ka jingtreikam ka Citizenship (Amendment) Act, 2019 bad ka Rules 2024 nalor ban mynjur noh ha kaban pyntreikam ia ka Inner Line Permit (ILP) ban tehlakam ia ka jingan rung kyrthep ki briew nabar ka Jylla.
Kine ki lai tylli ki Sengbhalang ki kynthup ia ka Hynniewtrep Youth Council (HYC), ka Jaintia National Council (JNC) bad ka Confederation of Ri-Bhoi People (CoRP). Kine ki seng kila aiti ruh ia ka dorkhas sha u Myntri Rangbah ka Jylla Conrad K Sangma ba un shimkhia ia kane ka kam.
Haba iakren bad ki nongthoh khubor, u President ka HYC Roy Kupar Synrem ula ong “Ngi la dawa ia u Myntri Rangbah ba un iakren bad ka Sorkar Pdeng ba kan pyllait noh pura ia ka Meghalaay n aka CAA 2019 bad ka Rules jong ka nalor ban pyntreikam ia ka ILP kham kloi kat kaba lah”.
U ong ba ka Ministry of Home Affairs ka Sorkar India ha ka 11 tarik Lber, 2024, kala pynmih ia ka jingpyntip paidbah a ka Citizenship (Amendment) Rules 2024 na ka bynta ban pyntreikam noh ia ka Citizenship (Amendment) Act, 2019.
“Watla ka CAA, 2019 kala pyllait noh ia ka jingtreikam na ki jaka riewlum jong ka Jylla, ka jingshisha hi kan iai neh ba ym baroh ki jaka ha Meghalaya ki hap hapoh ka Sixth Schedule jong ka Riti Synshar ka Ri. Ki dang don ki jaka kum ka sor Shillong, ka nongbah jong ka Jylla ha kaba ki kyndon jong ka Sixth Schedule kim treikam satia bad ruh ka jaka ba bun eh ki briew ba nabar jylla ki wan ban shong ban sah” ong u Bah Roy Kupar.
“Ha kum kine kiei kiei, lada ki briew ba sah ha kine ki jaka bym treikam ka Act ki lah ban kynriah ia ka jaka sah bad sa aplai ia ka jinglong nongshongshnong ka India hapoh ka Act, 2019. Lada kane ka jia, kumno ka Jylla kan khanglad ia ki ba kin ioh long nong India hapoh kane ka Act?. Hato kadon kano kano ka lad ka lynti ban buddien ia ka jingdon kine ki briew kiba sah ha kine ki jaka khnang ba yn lah ban bishar ia ki hadien habud” ula buh jingkylli.
Nalor kane, u Bah Roy Kupar ula ong “Ngi don ruh ka jingsngewkhia ba lada bun ki jaka hapoh ka Jylla kila lait na ka CAA, 2019, ka Jylla kan sashah ktah na ka jingwan rung pat na kiwei ki Jylla khamtam ka Jylla Assam. Namar ka jingbym don kano kano ka ain ka ban pyrrkhong ia ka jingrung jingmih ki briew hapoh ka Jylla, ngi sheptieng ba kane ka jingpyllait (sixth Schedule) kan ym don jingmut bad ngi lah ban mad ia ka jingeh kaba khraw na ka jingwan rung ki bar jylla hapoh ka Jylla”.
“Namar kata, ka lad jingiada hi kaba ngi lah ban don ban iada ia kane ka jingwan rung kiba nabar Jylla ka dei ka jingpyn treikam ia ka ILP bad ruh ban pyllait noh ia ka jingtreikam ka CAAha Jylla” ula ong.
, ka Jaintia National Council (JNC) bad ka Confederation of Ri-Bhoi People (CoRP). Kine ki seng kila aiti ruh ia ka dorkhas sha u Myntri Rangbah ka Jylla Conrad K Sangma ba un shimkhia ia kane ka kam.){kind=link}