spot_img

Dawa ki Seng ka Ri-lum Jaintia | Wat ailad ban long ‘Refugee Camp’ ka Meghalaya kum ha u 1971

Date:

Share post:

Shillong, Nailar 08 : Ka Jaintia Students Movement (JSM) bad Jaintia National Council (JNC) ha ka sngi Palei, kala dawa ba ka Sorkar Jylla ka dei ban pynthikna ba ka Jylla Meghalaya kam dei ban shah pynkylla kum ka ‘Refugee Camp” kum ha u snem 1971 namar ka jinglong jingman ka suk ka sain ha Ri Bangladesh-kaba la pluh na ki jingiakynad bad jingumsnam.

Ha ka dorkhas bala aiti sha u Symbud Myntri Rangbah ba khmih ia ka kam Pohiing, Bah Prestone Tynsong, ka JSM bad JNC kala pyntip ba ki arseng kila dep iashong jingialang ba kyrkieh ha ka 6 tarik Nailar ban iakren ia ka huri hura bad ki kam umsnam ha Bangladesh namar ba ka Meghalaya ka dei kaba don markhap ka khappud India-Bangladesh.

“Ka jingialang kala rai ban buh ia ki katto katne ki jingdawa ba phin sngewkhia na ka liang jong phi. (Ngi dawa) ka Sorkar Jylla ba dei ban bthah/hukum ia ki bor District ban pynthikna ba ki khappud ki dei kiba la pahara bha bad ban pynthikna bay m dei ban don ka jingioh rung ki nong Bangladesh sha Meghalaya la ka long ha kano kano ka rukom ruh. Ka jingialang kala rai ba ka Meghalaya kam dei ban kylla long kum ka refugee camp kum ha ka thma 1971” kila ong.

Kine ki artylli ki seng kila dawa ruh ia ka Sorkar Jylla ban bthah ia ki bor District ba kin buh ia ki len Pulit ba shipor (temporary Police camp) kiba don bun ki Pulit ha khappud ka India-Bangladesh nalor ki shipai BSF ban pynthikna ba kan nym don ka jingthombor ne ka jingjia ka bym sngewtynnad ia ki paid trai shnong.

“Ka Sorkar Jylla ka dei ban bthah ia ki bor District ban buh ia u helpline ba 24×7 khnang ba ki paidbah ki lah ban ai ia kino kino ki jingtip ia ka jingwan rung tuh ki briew ha khappud” kila ong.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...