Shillong, Jymmang 20: Ki nongialam bad ki dkhot jong ka kynhun ki nongniah kali ka East Khasi Hills District hynne ka sngi kila dawa naka Khasi Hills Autonomous District Council (KHADC) ban talasi iaki Trading License bad Work Permit jong ki bar jylla kiba kamai Taksi ha kylleng ka sor Shillong.
Kane ka jingdawa ka kynhun nongniah Taksi kala wan hadien ka jingleit pan jingpynshai napoh ka Sadar Police Station halor ka jingkem noh ki Pulit iaki 5 ngut ki bar jylla kiba la shoh pynmynsaw ia 2 ngut ki samla Khasi ha Khyndai Lad kiba dei ruh ki Dribar Takdi kamai
Lah ban kdew ba 2 ngut ki samla Khasi kiba kamai Taksi kila shah shoh haka 18 tarik mynta u bnai ha ki 5 ngut ki bar jylla, kiba la suba ba kidei ki Draibar ba kamai ha sor Shillong.
Hadien ba ka ba ka tnad pulit ka la pynmih ba ka la ioh kem ia ki 5 ngut ki briew kiba shoh ia ki nongniah kali ha khyndailad. Ki nongialam jong ki nongniah kali kamai ha ka step jong ka 20 tarik Jymmang 2023 ka la leit sha Sadar police station ha ryngkat ki briew Ki ba iohi ia kitei ki briew kiba shoh ia u tei u draibar.
Haba iakren sha ki lad pathai khubor, u nongialam ki nongniah Taksi kamai, u bah Wandonbok Jyrwa u la ong ba katkum ka jingiakynduh jong ki bad 2 ngut ki nongsakhi, la lah ban pynshisha ba ki 5 ngut ba shah kem haki Pulit kidei shisha kiba donkti ban thombor iaki samla Khasi.
U bah Wandonbok ula ong ba naka liang ka tnat Pulit kam lah ban pyni durkhmat ia kine ba shah kem namar ka Case bad ka jingtohkit pyrshah iaki ka dang iaid namar shen yn sa tian bishar iaki.
Ula iathuh ba haka 22 tarik mynta u bnai, kin sa leit kynduh iaki bor ka district council ban dawa ban long kiba pyrkhinh halor ka jingai License sha ki bar jylla kiba kamai Taksi.
