Nongpoh, Nailar 04 : Ka Seng ki Nongrep-ka Hills Farmers Union (HFU) kala dawa ia ka Sorkar ba kan sospon ne wengkam shipor ia u Officer In-charge ka Byrnihat Police Station lada kam kwah ia ka seng ban mih madan ban iakhih.
Kane ka jingdawa kala mih na u Secretary ka HFU sengkmie Bah Alfonbirth Kharsyntiew hadien ba ma u lem bad ki dkhot, la kynnoh ba kila shah pynap sah ha u Officer Incharge ka Byrnihat Police Station, ha ka jingthmu ban iakynduh ia u. La kynnoh ruh ba ka seng ka khlem ioh iakynduh satia ia une u Ophisar.
Haba kren sha ki lad pathai khubor, u Bah Alfonbirth ula pyntip ba hynnin ka sngi, ula ioh pdiang ia ka phone call na u O/C ka Byrnihat Police Station uba pynpaw ba u kwah ban iakynduh ban iakren kam. U iathuh ba ula kyntait ban iakynduh hynnin ka sngi bad pynbeit ban iakynduh noh hynne ka 4 tarik Nailar ha ka por 11 baje mynstep.
U Bah Alfonbirth u pyntip ba hynne ka sngi ula leit lang lem bad ki nongri jingri ban iakynduh ia une u Heh Pulit, da ka jingthmu ban ioh pan jingshai ruh halor ka kam lum khajna ia ki kali kit mrad kiba iaid lyngba ka surok bah Byrnihat.
Ula kynnoh ba ma u bad ki dkhot ka seng kila poi ha Byrnihat Police Station ha ka por kaba buh hynrei u OC um shym la don satia ha Ophis bad pyntip ba u don ia ki kam ba u hap pyndep ha Iingkashari- kaba long kum ka jingpynsyrwa ia ka por bad pynap ia ka seng.
Namar kane, une u Heh ka HFU ula pyntip ba ka seng kala aiti ia ka shithi ba pan jingshai halor ka jinglum khajna ia ki kali kit mrad bad aipor 10 sngi ia u OC ba un jubab da ka jingthoh.
 kala dawa ia ka Sorkar ba kan sospon ne wengkam shipor ia u Officer In-charge ka Byrnihat Police Station lada kam kwah ia ka seng ban mih madan ban iakhih.){kind=link}