Shillong, Jymmang 30 : Ka Synjuk ki Waheh Shnong ka Ri Jaintia, kala dawa ia ka Sorkar Jylla ban ai bhah ia ki Pnar/Jaintia ym duna ia ka 20% ha ka State Reservation Policy ka Jylla.
Ka Synjuk lyngba u President Bah A Lipon bad Secretary T. Phawa, kala phah da ka dorkhas hynne ka sngi Ba-ar sha ka Chairperson ka Committee ki seng sain pyrthei ban iatai halor ka Reservation Roster bad Reservation Policy, Kong Ampareen, ban bishar thymmai ia ka Reservation Policy 1972 haba mynjur ban buh ia ka bhah ia ki Jaintia ba ym duna ia ka 20%.
Ia kane ka dorkhas, ka Synjuk kala phah ruh sha baroh ki 7 ngut ki MLA ka ri-lum Jaintia ba kynthup ia u Symbud Myntri Rangbah ka Jylla Bah Sniawbhalang Dhar.
Ka Synjuk kala pyntip ruh ba kala shim rai ban dawa jur ia ka Sorkar Jylla ba kam dei ban pyntreikam ia ka Reservation Roster naduh u snem ba sdang treikam ka Reservation Policy. Ka ong b aka Roster System ka dei ban treikam naduh u snem 2023 shakhmat.
