Shillong, Nailur 06: Ka Ri Bhoi Progressive PWD Workers’ Union (RBPPWU) hynne ka sngi ba-ar kala dawa ia ka Sorkar Jylla ban pyntreikam noh ia ki kyndon jong ka Meghalaya Regular Casual Workers Scheme 1996 na ka bynta ka jingmyntoi jong ki Nongtrei Casual ha Jylla khamtam kiba na Ri-Bhoi District.
Ka Union ka pyntip ba kala dep ban aiti ia ki mat jingdawa sha u Symbud Myntri Rangbah ka Jylla Bah Prestone Tynsong, sha u Myntri ka Tnad PWD (Building) Bah Dasakhiat Lamare bad sha u Bah TG Nengnong Secretary ka Tnad PWD (Roads & Buildings).
U Legal adviser ka RBPPWU Bah Napoleon Mawphniang ula pyntip baka Union kala dep aiti ia ka thup jong ki jingdawa ba kynthup ia ka jingpyntrei kam ia ka Provident Fund (PF), Overtime Allowance, Gratuity, Accident Compensation, Maternity Benefits, Travelling Allowance bad Dearness Allowance.
“Ngi dawa ban thung bad pyntreikam noh mardor ia ka Internal Complaints Committee kumba la kdew da ka Sexual Harassment of Women at Workplace kat kum ka Prevention, Prohibition and Redressal Act 2013 nalor kiwei kiwei ki jingdonkam jong ki Nongtrei Casual” ong u Bah, ki Mawphniang.
U Bah Mawphniang ula pyntip ruh ba ka Union kala dawa ia ki tiar jingiada na ka bynta ki nongtrei kum ki mask, gloves, sanitizer, apron, ki jain jri, ki butjri bad kiwei kiwei ka ban long arsien ha ka shisnem.
