Shillong, Nailar 18: Ka Ranikor Block Unit jong ka National People’s Party (NPP) kala kyntu ia ka Sorkar Jylla ba kan mynjur ha kaban buh noh ia ka Police Outpost ha ka thain Khonjoy bad Maheskhola bad ka Anti-Dacoity Camp ha Rongdanggai.
Kane ka jingkyrpad kala mih hadien ka jingiohi ia ki jingma na ka jingwan pyntriem jong ki kynhun kaikhlaw ka Ri Bangladesh ha ki 30 tylli ki Shnong kiba hap hapoh ka Ranikor Civil Sub-Division ha South West Khasi Hills.
Ha ka dorkhas bala aiti sha u Symbud Myntri Rangbah ba khmih ia ka kam Pohiing (Police) Bah Prestone Tynsong ha ka sngi Nyngkong, u President ka Block Nelbi T Sangma ula ong ba hadien ka jingleit jngoh ia ki shnong ba shah ktah bad ka jingialang bad u Rangbah Shnong em bad ki riew rangbah bad ki seng bapher bapher, ka party kala rai ban kyntu ia ka Sorkar ban buh noh ia ki bor pahara kham kloi kat kaba lah.
Kala pynpaw ba ki nongshongshnong ki don ia ka jingsngew sheptieng bad ka jinglong jingman kala dawa kyrkieh ia kane ka kam.
Ula ong ba ka Block Unit kala kyrpad ban buh ia ki Police Outpost ha thain Khonjoy bad Maheskola bad ruh ka AD camp ha shnong Rongdanggai. Kine ki sienjam, ka party ka ngeit, kan iarap ban pylait na kine ki jingma kiba buh da ki kynhun kaikhlaw bad pynioh ruh ia ka jingsngew shngain ia ki nongshongshnong.
U Sangma ula ong ba ki nongshongshnong kila duhthiah duh dem ha ka por miet, bad kila hap ban iabujli ban ia ap pahara iala ki jong ki iing ki sem ban pynthikna ia ka jingshngain.
Ka jinglong jingman ka la nang ima bad ka party ka kyrpad ia ka Sorkar ba kan shim mardor ia ki sien jam ban leh eiei halor kane ka kam.
Ka party kala kyrpad ruh ia u Symbud Myntri Rangbah ban hiar jurip ia ka thain lane phah ia ki Myntri Sorkar lane MLA na ka Jaidbynriew Garo ba kin sngewthuh ia ki jingeh ba mad da ki nongshongshnong.
 kala kyntu ia ka Sorkar Jylla ba kan mynjur ha kaban buh noh ia ka Police Outpost ha ka thain Khonjoy bad Maheskhola bad ka Anti-Dacoity Camp ha Rongdanggai.){kind=link}