Shillong, Risaw 10 : Ka Meghalaya State Commission for Child Rights (MSCPCR) ka la bthah ia ki pulit ka jylla ba kin pynlong ia ka jingtohkit kaba bniah bad kaba la buh da ka por ban pyndep, halor ka jingjah bad ka jingiap jong u Khynnah 7 snem na Nongrah, East Khasi Hills bad ka Khynnah 13 snem na Khyndewsoo, Ri-Bhoi.
“Ka long kaba donkam eh ba dei ban ithuh ia kiba donkti bad ban pynngat ha ka ain khlem da pynslem,” ong ka Chairperson ka MSCPCR Agatha K Sangma ha ka kyrwoh ba la pynmih ha ka sngi Thohdieng haba phah ia ka jingsngewlem sha ki longïing kiba la duh noh ia ki baieid bathoin.
Ka la ong ba ka Commission ka ima ia ka jingkiew jong ka jingjah ki khynnah ha kylleng ka jylla dang shen bad ka shim khia bha ia kane ka jinglong kaba pynkhuslai jingmut.
“Kum ka jubab, ka Committee kala dep ban aiti ïa ki Model Standard Operating Procedures (SOPs) na ka bynta ban wad ïa ki Khynnah ba jah ne shah rahbor sha ka sorkar ba kan pyntreikam kyrkieh, ka ban pynthikna ïa ka jingïarap ha ka por kaba biang ha kum kine ki khep,” pyntip u Agatha.
Ka la pynskhem ba ka Commission kan dang ïai bteng ban ïada ïa ka hok bad ka jingbha jingmiat jong baroh ki khynnah ha Meghalaya bad kan ïai bteng ban ïatreilang bad ki bor jong ka aiñ, ki tnad sorkar, bad kiwei kiwei ki kynhun ba don bynta ban ïada ïa kum kine ki jingjia ba sngewsih ha ki por ban wan.
 ka la bthah ia ki pulit ka jylla ba kin pynlong ia ka jingtohkit kaba bniah bad kaba la buh da ka por ban pyndep, halor ka jingjah bad ka jingiap jong u Khynnah 7 snem na Nongrah, East Khasi Hills bad ka Khynnah 13 snem na Khyndewsoo, Ri-Bhoi.){kind=link}