Shillong, Jymmang 19 : Ka Meghalaya Pradesh Youth Congress (MPYC) kala dawa ia ka Sorkar Jylla ban pynsangeh noh ia ka jingbuh sngi thoh eksam thungkam ha ka sngi U Blei.
Kane kala mih hadien ka jingkynnoh ba ka Sorkar kala rai ban iai bteng ha kaban pynlong ia ka eksam thungkam jong ka Meghalaya Police ha ki sngi U Blei.
“Ka eksam ba nyngkong eh la pynlong ha ka 18 tarik Jymmang-ka sngi lehniam ba kyrpang jong ki paid Khristan ka Jylla” ong u General Secretary ka MPYC Chireng Peter Marak ha ka kyrwoh.
“….nga kyntu ia ka Sorkar ba kan sangeh noh mardor ha ka jingbuh ia ki eskam ha ka sngi u Blei, ai ia ka jingbatai sha u paidbah, bad wanrah ia ka policy kaba burom bad bat ia ka jingngeit jong ki paidbah ba ka shakri” ula ong haba bynrap ba ka MPYC kan tynrong ia ka jingkitkhlieh ha ka Sorkar haduh ba ia kane ka rai la bujli noh da ka policy kaba phalang ia ka jingmut ba shisha bad ka snap kyrpang jong ki paidbah ka Jylla Meghalaya”.
Ula ong ba ka Meghalaya kam dei satia tang ka Jylla kaba don ki paid Khristan- ka dei ka Jylla kaba ka jingngeit Khristan ka khlain bha. Ka sngi U Blei ka dei ka sngi Bakhuid, ka sngi bala buh ban mane, leit jingiaseng bad ban shongthait”.
 kala dawa ia ka Sorkar Jylla ban pynsangeh noh ia ka jingbuh sngi thoh eksam thungkam ha ka sngi U Blei.){kind=link}