Shillong, Jymmang 14 : Ka Meghalaya College Principal’s Council (MCPC) ha ka sngi Balang kala dawa ia ka North Eastern Hill University (NEHU) ba kan pynlong noh ia ka jingialang ka Academic Council ha kaban pynbeit ia ki mat kiba kongsan ba kynthup ia ka jingai bad jingpynthymmai ia ki jingpyniasoh ki College, ban pynkylla ia ka Affiliation Ordinances bad ki jingbuh kyndon ban iaid bad ki curriculum thymmai bad kiwei kiwei.
Ha ka kyrwoh, I President ka MCPC Dr Eureka FP Lyngdoh ila ong ba halor ka jingshah kynthup ka Jylla ha ka CUET naduh kane ka samoi pule mynta, ka Examination Department (ka NEHU) kala thaw ia ki kyndon pynrung klas ia ki college bala pyniasoh ban ai jaka pule ia kito ki samla kiba pass ia ka CUET bad kibym don ia ka CUET score, kaba iaid kat kum ka Standard Operating Procedures (SOP) ka UGC.
“Hynrei, ki dang don shibun ki kam ba kongsan ki bym pat lah pynbeit ha ka kyrdan jong ka University. Kine ki kynthup ia ka jingmynjur ia ki syllabus jong ka fourth year jong ka Undergraduate programme, ka jingai bad jingpynthymmai ia ki jingpyniasoh bala don lypa, ka jingpynkylla ia ka Affiliation Ordinance bad ki kyndon ban iaid kat bad ka curriculum thymmai bad kiwei. Ban pynbeit ia kine ki kam ka donkam ban pynlong ia ka Academic Council kham kloi kat kaba lah” ila ong.
“Halor kine kiei kiei, ka Meghalaya Principals Council ka kyrpad ia baroh ki borkhmih bad kikynhun bapher baphr ba kin buh hakhmat ia kine ki kam jong ki college bala pyniasoh na ka bynta ka jingmyntoi ka lawei pule jong ki hajar ngut ki samla pule ha kylleng ka Jylla” ila bynrap.
I President ka MCPC ila pynpaw ruh ba ka Council kala khmih ia kaei kaba jia ha NEHU da ka jingsngewkhia.
Kum ka university ba tang marwei ban pyniasoh ha Jylla, ila ong ba ka NEHU ka shim ia ka bynta kaba kongsan bha ha ka pule dangle jong ki kyrdan ba halor ha Meghalaya, ha kaba haduh 85 tylli ki jaka pule kila pyniasoh bad ka bad kumba 75000 ngut ki samla pule kila rung klas lyngba jong ki.
 ha ka sngi Balang kala dawa ia ka North Eastern Hill University (NEHU) ba kan pynlong noh ia ka jingialang ka Academic Council ha kaban pynbeit ia ki mat kiba kongsan ba kynthup ia ka jingai bad jingpynthymmai ia ki jingpyniasoh ki College, ban pynkylla ia ka Affiliation Ordinances bad ki jingbuh kyndon ban iaid bad ki curriculum thymmai bad kiwei kiwei.){kind=link}