spot_img

Dawa ka KSU na u Amit Shah ban ym pynkynriah ia ka NEEPCO na Shillong sha Guwahati

Date:

Share post:

Shillong Nailar 06: Ka Khasi Students Union hynne ka sngi saitjain, kala dawa ia u Myntri kam Pohiing ka Ri u Amit Shah uba khmih ruh ia ka North Eastern Council (NEC), ba un tuklar lem ha kaban pynsangeh ia ka jingthmu ban pynkynriah noh ia ka Headquarter jong ka North Eastern Electric Power Corporation (NEEPCO) na Shillong sha Guwahati

Ka KSU kala phah ruh da ka dorkhas sha u Myntri kam Pohiing bad kumjuh ruh sha kiwei ki Myntri Sorkar ba kynthup ia u RK Singh ba khmih ia ka Tnad Bording, u G Kishan Reddy ba khmih ia ka DONER bad kiwei kiwei, kaba pynpaw ia ka jingsngewkhia ia kane ka jingthmu pynkynriah noh ia ka Headquarter ka NEEPCO.

Kat kum ka dorkhas, ka KSU kala pynpaw ba ka NEEPCO ka dei kaba la thaw hapoh ka North Eastern Council ha u snem 1976 bad la buh ia ka Headquarter jong ka ha Shillong da ka jingthmu ban pynmih ia ka bording na ki wah kiba don ha ka thain Shatei Lam Mihngi bad ban kyntiew ia ka ioh ka kot jong ka thain.

“Ka NEEPCO ka don ia ka thong ban pynmih ia ka bording haduh 2057 MW naka thain Shatei Lam Mihngi bad kane ka corporation ka don ia ka lad ban kylla long kum kawei na ki karkhana sorkar kaba bha tam ha ka thain” ong ka KSU ha ka dorkhas.

Kat kum ka jingong ki Nongialam ka KSU, ki bor pyniaid ka NEEPCO naduh u Lber 2020 kila sdang ban pynkynriah ia ki shnat treikam na Shillong sha Shillong da kaba pynpaw ba ka dei kaba la leh ban lah pynjanai ia ka rukom treikam.

Kila ong “Ha ka por ba dang saphriang sted bha ka khlam Covid-19, ki heh ki hain ka NEEPCO kila treikam na Guwahati hynrei mynta ba ka khlam kala hiar, kine ki heh ki hain ki dang treikam beit na Guwahati”.

“Ngi ki Nongialam ka KSU ngi la pyrshang la bunsien ban iakynduh ia ki bor pyniaid ka NEEPCO hynrei la pyn tip ba u Chairman bad u Director kila treikam na Guwahati” ong ka dorkhas haba pyntip ba u Chairman barim jong ka NEEPCO u V. K. Singh (Retd.) bad u Director (Technical) u Hemanta Deka (Retd.) kim ju poi thikna sha ophis bad kane ka dang bteng haduh mynta mynne.

Ka KSU kala pyntip ba ki bor pyniaid jongka NEEPCO kila kyntait ba kala don ka jingpynkynriah ophis na Shillong sha Guwahati ha u bnai Kyllalyngkot 2022 hynrei la shem pat ba ka ophis jong u Executive Director (Operation and Maintenance),ophis jong u Executive Director (Contract and Procurement), ophis jongu Executive Director (Corporate Project Monitoring) la dep ban pynkynriah sha Guwahati ryngkat bad ki bynta jong ka Information & Technology (IT) bad Finance.

“Ngi tip ba ka NEEPCO kala shim wai ia ka building ha Guwahati ban pynlong Ophis treikam ha ka jingsiew baiwai ba kot haduh T. 5, 30,479.00 manla u bnai. Kane ka Bulding ka dei jong ka M/s Kamal Jail, Punit Jain, Nikhil Jain & Biswajit Talukdar kaba la sdang naduh ka 20 tarik u Lber” ong ka KSU.

Ka KSU kala kdew ruh ba kane ka jingpynkynriah jong ka NEEPCO ia ka Headquarter na Shillong kala paw shai ruh kat kum ka Office Order kaba 1038 bala pynmih ha ka 25 tarik Jylliew 2022, ha kaba u VK Singh ula ai ka jingmynjur ban pynkynriah ia ka Ophis hashuwa ba un shongthait.

Share post:

spot_img
spot_img

Popular

More like this
Related

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...

Bei ka World Bank palat T.11 lak tam ban tei NRM Library ha Nongshillong

Nongstoiñ, Jylliew 20: U Piyush Dogra u stad mariang...

NPP lost Lok Sabha polls in Meghalaya due to State reservation policy, not BJP: MP Kharlukhi

Shillong, June 20: Lone Rajya Sabha MP Dr WR...
spot_img