Shillong, Naitung 15 : Ka Khasi Students’ Union (KSU) Nongmensong Unit, kala leit iakynduh ia u Myntri kam bording ka Jylla Abu Taher Mondal bad dawa ba un tuklar lem halor ka jingkiew ka bai bording jong ki longiing hapoh ka BSUP Housing Complex ( Iing basuk) ha Nongmensong.
Ki briew ba sah ha kane ka complex, kila ud ia ka jingiew ka bai bording naduh ba pyndait ia u pre-paid smart meter.
Haba kren sha ki nongthoh khubor hadien ka jingialang, u President ka KSU-Nongmensong samla J Pohthmi ula ong ba bun ki briew ba sah ha kane ka complex ki dei kiba im hapoh ka BPL bad ki ju siew T.500-T600 shibnai ia ka bai bording ha ki por bala leit. Hynrei, hadien ka jingpyndait ia ki smart meter, ka bai bording kala kiew bad kaba duna eh ka kot T. 2000 shibnai, kaba buh ia ki ha ka jingeh ban lah siew.
Namar kata, u ong ba ka Unit kala dawa ia u Myntri ba un tuklar bad ban leh eiei halor kane ka jingeh kaba kyntu ruh ban pynneh biang da kajuh ka rukom riew, haba buh hakhmat ia ka jingeh ha ka lain pisa tyngka jong kine ki briew ba sah hapoh ka complex.
“Ngi kyrpad ia phi ba da ka jingsngew briew ba phin pynneh biang ia ka bai bording ba kot T.500-T.600 shibnai haba recharge ha ka shibnai haba buh hakhmat ba baroh ki briew ba sah ha kane ka complex ki dei kiba duk bad ba bun ki dei kiba im kamai mynstep bam da miet” ong u samla Pohthmi.
Halor ka jingkylli, une u Nongialam ka KSU ula pyntip ba ka jingiakynduh ka long kaba seisoh bad u Myntri ula kular ban sa khmih bad shimkhia ia kane ka kam.
“U (Mondal) la kular ban sa iakren ia kane ka kam ha ka jingialang bishar kam kaba un pyniaid lashai ka sngi” bynrap u samla Pohthmi.
 Nongmensong Unit, kala leit iakynduh ia u Myntri kam bording ka Jylla Abu Taher Mondal bad dawa ba un tuklar lem halor ka jingkiew ka bai bording jong ki longiing hapoh ka BSUP Housing Complex ( Iing basuk) ha Nongmensong.){kind=link}