Imphal, Naitung 15: Ki shipai bad ki bor pahara ka jylla Manipur, la ioh bankem ia san ngut ki snar ba shyrkhei jong ki kynhun kaikhlaw bapher bapher ha ka jingkhynra kaba pynlong ha kylleg ki jaka jong ka Jylla.
Na kine ki ehrang kaikhlaw la ioh ban kurup haduh 35 tylli ki jait tiar ia siat, 11 tylli ki Improvised Explosive Devices (IEDs), bad shibun bah ki kuli bad kiwei kiwei de ki tiat.
Ia kane ka jingkhynra la pynlong ha ki san tylli ki District ka Jylla ba kynthup ia ka Kangpokpi, Bishnupur, Tengnoupal, Imphal West bad ha Imphal East.
Ki Pulit ka jylla Manipur kila ioh kem sa hynriew ngut ki kai khlaw kiba dei na kiwei kiwei de ki kynhun ha kine ki 24 kynta na Bishnupur, Thoubal bad na Imphal West districts.
