Shillong, Jymmang 06 : Ka Khasi Students’ Union (KSU) ha ka sngi Ba-ar, kala dawa ia ka North Eastern Indira Gandhi Regional Institute of Health & Medical Sciences (NEIGRIHMS) ba kan khot mardor ia ka jingialang ba kyrkieh jong ka Governing Council, ban pynbeit ia ki kam kiba iadei bad ka jingthungkam ia ki nos hapoh ka Institute.
Ha ka shithi sha u Director ka NEIGRIHMS Dr N Mehta, u President ka KSU samla Lambokstar Marngar ula ong “(Ngi) kyntu (iaphi) ban leh eiei noh ha kaban khot ia ka jingialang ba kyrkieh jong ka Governing Council, ban pynbeit ia ki kam kiba donkam ia ka jingtuklar mardor”.
U Samla Lambokstar ula ong ba ka jingialang bala pyniaid da u Myntri Sorkar Bah Paul Lyngdoh lem bad ka NEIGRIHMS bad KSU ha ka 5 tarik Jymmang, la rai ban pynsangeh shuwa ia kane ka jingthungkam ba mynta tad haduh ban da lah pynbeit ia baroh ki mat bala wanrah da ka KSU.
U ong ba la rai ruh ba ka NEIGRIHMS kan pynbeit hi dalade ia ki kam kiba ka lah ban leh bad ia ki kam ba kam lah ban shim rai da ka NEIGRIHMS, yn sa rah sha ka Governing Council bad sha ka Ministry of Health & Family Welfare ka Sorkar India.
U Samla Lambok ula bthah ruh ia ki bor pyniaid ka NEIGRIHMS ba kin shim rai ia kiei ki kam kiba ka lah ban pynbeit hi da ka Institute bad ki kam kiba hap ban buh hakhmat ka Governing Council lane ka Ministry.
Marngar also asked the NEIGRIHMS authorities to decide as what are the issues to be resolved by the institute and those issues to be placed before the Governing Council or the Ministry for necessary action and resolution.
Ki mat kiba hakhmat eh bala dawa da ka KSU ha ka jingiashong kyllain mungor ba khlem pud ki kynthup : Ka rta thungkam ka dei ban long kum kaba hashuwa kata 35 snem ia ki Nursing Officer bad kumjuh ruh ia ki rta bala buh hashuwa ha ki kam bapher bapher, ban pyntreikam ia ka bhah thungkam ba 80:20 ia ki nos kynthei bad shynrang, ka experience certificate tang na ki hospital ba 50 jingthiah ban weng noh ha ka thungkam Nursing Officer, ka examination centre ka dei ban don ha Meghalaya ym ban buh ha kiwei pat ki Jylla bad ba dei ruh ban pynlong ia ka eksam da ka offline mode, ban bishar thymmai ia ka roster register bad kiwei kiwei.
Ka KSU kala dawa ruh ia ka NEIGRIHMS ba kan pynlong hi noh ia ki eksam thungkam hadien habud bad kiwei kiwei.
 ha ka sngi Ba-ar, kala dawa ia ka North Eastern Indira Gandhi Regional Institute of Health & Medical Sciences (NEIGRIHMS) ba kan khot mardor ia ka jingialang ba kyrkieh jong ka Governing Council, ban pynbeit ia ki kam kiba iadei bad ka jingthungkam ia ki nos hapoh ka Institute.){kind=link}