Shillong Naitung 03: Ka KSU Shillong Mihngi Circle hynne ka sngi kila dawa ia ki bor pyniaid jong ka North East Institute of Ayurveda & Homeopathy (NEIAH) ba kin weng kam noh mardor ia ka briew kaba la shu wan ialam na Uttar Pradesh ba kan trei kum ka Contractual Attendant hapoh ka Institute.
Ha ka kyrwoh, u President u Sonstar Nongkhlaw ula pyntip ba ka seng kala leit ia kynduh ia ki bor pyniaid ka North East Institute of Ayurveda & Homeopathy (NEIAH) haba kila ioh iaka jingtip ba ka Director jong kane ka skulbah kala thep kam jubor ia kawei ka briew na Uttar Pradesh kum ka Contractual Attendant.
Ka KSU kala dawa ba dei ban weng noh mardor ia katei ka briew kaba nabar hynrei ban thep beit da ki Khasi ha ki kam kontrak bad kala mana ruh ba ym dei ban thungkam pura jubor ia kino kino ki bar jylla kiba wan ban trei da ka kontrak ha NEIAH.
Ka seng ka maham ba lada ki bor pyniaid ka NEIAH khamtam ka Director kim weng kam ia katei ka bar jylla, ka seng kan sa shim da ki sienjam kiba tyngeh.
Pule ruh: Hiar jurip ka Myntri ia ka surok Smart City ha Lachumiere ba lapmiet ka ur ki Khynnah Skul
 ba kin weng kam noh mardor ia ka briew kaba la shu wan ialam na Uttar Pradesh ba kan trei kum ka Contractual Attendant hapoh ka Institute.){kind=link}