Shillong, Iaiong 03: Ka Khasi Students’ Union (KSU) hynne ka sngi Palei, ka la dawa na ka Meghalaya State Pollution Control Board (MPSCB) ba ka dei ban pyndam noh ia ka Consent to Establish (CoE) kaba la ai na ka bynta ban buh ia ka karkhana pynmih coke hapoh ka shnong Thlakaru Wapungskur East Jaintia Hills district.
Haka kyrwoh ka KSU Wapung Unit ka la ai ruh ka jingkyrshan kaba pura ia ka Dorbar Shnong Wapungskur kaba la pyrshah ia ka jingbuh ia ka Lam Coke Manufacturing Unit da ka Om Om Coke hapoh u pud u sam jong ka shnong.
Ka KSU ka la dawa ruh na u Dolloi ka Elaka Jowai bad Waheh Shnong Mookhep ba kin weng noh mardor iaka No Objection Certificates (NOC) bala ai sha kane ka Company.
Ka KSU kala pynkynmaw ruh ba ka MPSCB kam shym la shimkhia halor ka jingujor ka Seng pyrshah ïa ka Abhi Coke hapoh ka shnong Mookhep da ka ba kynnoh ba kane ka karkhana kala pynjaboh ïa ka mariang.
Ka la ong ba shen ka KSU kan sa pynlong ia ka jingbuddien halor kane shwa ban leh da kaba tyngeh halor kane ka kam.
 hynne ka sngi Palei, ka la dawa na ka Meghalaya State Pollution Control Board (MPSCB) ba ka dei ban pyndam noh ia ka Consent to Establish (CoE) kaba la ai na ka bynta ban buh ia ka karkhana pynmih coke hapoh ka shnong Thlakaru Wapungskur East Jaintia Hills district.){kind=link}