Shillong, Jymmang 04: Ka KSU Delhi Unit hynne ka sngi kala leit iakynduh ia u Lamphang ka iing dorbar Thawain ka jylla u Thomas Sangma bad ia u Myntri ka pule puthi u Rakkam A Sangma ban tuklar lem halor kajingshah pyniap ka samla Khasi ha Rajasthan bad ka jingshngain jong ki samla pule kiba don ha ka jylla Manipur.
Ka KSU Delhi Unit hapoh ka jingialam jong u Vice President u Samla Donbok Pohrmen bad u General Secretary u Samla Nicholas Chyrmang kila iakynduh ia u Thomas Sangma bad ia u Rakkam A. Sangma ha Meghalaya House, New Delhi.
Ka Seng kala pynsngew sha kine ki nongialam ka Sorkar Jylla halor ka mat kaba iadei bad ka jingkhlad jong ka Samla Khasi hapoh ka Jylla Rajasthan ban tuklar khnang ban lap tynrai ia ki jingshisha baroh.
Ki nongialam ka KSU kila iatai ruh ha kaba iadei bad ka jinglong jingman hapoh ka Jylla Manipur khnang ban wanrah ka jingshngaiñ iaki Samla Khasi kiba pule hapoh Manipur.
Ka KSU kala Dawa na kine ki Heh Sorkar ban buh ia ka Help Desk kaban treikam pura baroh 24 kynta hapoh Meghalaya House khnang ba ki Samla Pule ne kiba trei kin lah ban wad jingiarap ha kano kano ka por bad kila kyntu ruh, ban tuklar halor ka jingshah leh shiliang khmat ki Samla Pule ka jylla ha ki Nonghikai khamtam ia ki samla kiba pule ha JNU bad Delhi University.
Ha katei ka sngi, la synran lang ia kine ki nongialam na Delhi Unit da u Adviser ka KSU Delhi U Samla Wallamkupar Nongsiej.
