Shillong, Jymmang 10: Ka Khasi Student Union (KSU) Mawryngkneng Circle hynne ka sngi kala dawa naka sorkar ban wanrah noh daka Fire Service Station hapoh ka thain naka bynta ban tehlakam iaka jingpluh ïing.
Kane ka jingdawa kala wan hadien ba kawei ka ïing hapoh ka shnong Puriang kala shah bam duh haka ding haka 9 tarik mynta u bnai bad ha kane ka jingjia kala don ruh ka jingmynsaw briew.
Ka seng kala pynpaw ba haduh mynta ym pat ioh jingtip na kaei ka daw ba don ka jingpluh ding hynrei ka kyntu iaka sorkar ban pynkloi noh ban wan rah ia ka Fire Service Station hapoh Mawryngkneng khnang ban lah ban tem iaka jingjia pluh ïing ne khlaw hapoh ka thain.
“Naka liang ka tnat Fire and Emergency kala dep ban jurip bad eksamin bad naka liang ka shnong ki lah dep ban pynlong ia ka Public Hearing halor kane ka mat ban wanrah noh daka Fire Service Station hapoh ka thain” la ong ka kyrwoh naka KSU Mawryngkneng.
