Shillong, Rymphang 06: Ka Khasi Students’ Union (KSU) Laban Circle kala phah da ka jingthoh sha u Surgeon Superintendent ka Shillong Civil Hospital, ban pynpaw ia ka jingsngewkhia halor ka jingdon ki riewshimet bad ki kynhun hajan ka hospital, kaba buh ha ka jingma ia ki nongiaid nongieng khamtam ia ki khynnah pule bad kiba leit ophis.
” Ngi kwah ban pyntip sha phi ia ka jingkharoi ki nongkyrni droks kiba wan ban sah ha ka Rehab ne jaka sumar ha Civil Hospital bad ha ka por ba ki don ha katei ka hospital ki shu kut ha ka leit shongkai ha kylleng ki bynta ba shapoh bad shabar ka hospital khamtam eh ha ka ka lad Civil kaba buh ha ka jingma kaba khraw ia ki nongiaid nongieng khamtam ia ki khynnah skul bad college bad ia ki nongleit ophis kiba ju iaid na katei ka jaka ban leit phai sha la iing khamtam haba ki pyndonkam ia katei ka juh ka lad ban leit phai sha ka iing bad ka seng kala lah ioh pdiang bun ki jingujor ia ka jingdon ka kynhun kine ki briew ha katei ka jaka kaba bunsien ka ju mih ka jingkren ia ki tiensih bad ka jingpyndom ia ki kynthei ia kaba bun ki lah ujor ba kim sngewshngain ban iaid na katei ka jaka bad bunsien la pynbor noh ia ki ban iaid na ka surok na Barik ban leit sha Pine Mount ban leit sha la ki iing kiba don ha Laban, la pynpaw ka seng ha ka shithi.
“Ngi lah ioh pdiang ia ki jingujor ba kine ki riewshimet ki ju kren tohmet wat ban donkti ha kaban pyndom ia ki kynthei kaba pynlong ia ki paitbah ban ym shngain”.
Ka seng kala ai nuksa ia ka jingjia ha kaba uwei u tymmen briew ula shah pyndik bad shah dawa pisa ha kawei ka kynhun bad ula kyrpad ia ki bor hospital ban shim ia ki sienjam kiba tyngeh ban weng ia kitei ki briew na katei ka jaka.
“Ngi kyrpad da kaba sngewrit ia phi ban leh da kaba tyngeh ban pynneh ia ka jingsuk bad jingshgain ia ki briew kiba wan sumar bad ia ki nongiaid nongieng ha kylleng kane ka hospital,” la pynpaw ha ka shithi.
Ka seng kala tyrwa ruh ban iatreilang bad ki bor pyniaid jongka hospital ban pynneh ia ka jingshngain ha kane ka thain bad kala pyntip ba kan sa tah ia ki jingthoh ne Poster ba la mana tyngeh ban dih sikret ha kylleng ki bynta jong kane ka hospital khnang ban pynsngewthuh ia ki paitbah”
 Laban Circle kala phah da ka jingthoh sha u Surgeon Superintendent ka Shillong Civil Hospital, ban pynpaw ia ka jingsngewkhia halor ka jingdon ki riewshimet bad ki kynhun hajan ka hospital, kaba buh ha ka jingma ia ki nongiaid nongieng khamtam ia ki khynnah pule bad kiba leit ophis.){kind=link}