Shillong Risaw 14: Ka KSU East Jaintia Hills District Unit ha ka 13 tarik u Risaw, kala leit iakynduh ia ki Director jong ka DSEL & DERT u Swapnil Tembe (IAS) bad ka Kong R.S Manner halor ka jingbym don nonghikai Science ha Rymbai Government Secondary School bad ka jingbym pyntreikam ia Artylli ki jaka pule ka Residential School bad Block Teachers Training Institute kiba don ha Byndihati.
Katkum ka kyrwoh na ka Education Cell jong ka KSU-EJHD kala pyntip ba ka seng kala ioh ia ka jingujor na ki paidbah ba ym don Nonghikai ha Rymbai Govt Secondary School kumta ka seng kala leit jurip bad kala lap ba ym don Nonghikai Science la kumba shi snem eiei bad la lap ruh ba kane ka skul kala khapngiah ki kamra klas bad ka jingbym biang kiwei kiwei ki jingdonkam kum ka Science Laboratory, Computer bad ki nonghikai pura namar bun ki Nonghikai kidei kiba shu wan hikai tang shipor.
Ka Education Cell kaba la lamkhmat da u Samla SanTomba Bamon Assistant Education Secretary kila ai jingmut ia u Director ban dei ban pynkiew kyrdan noh ia ka Rymbai Govt Secondary School sha ka Higher Secondary School namar kumba long mynta dei tang kane ka secondary school jong ka sorkar ha East Jaintia baroh kawei.
Ka seng ka tip ruh ba ki don ki subject kiba ym don nonghikai pura bad la shu shim kylliang beit da ki para nonghikai jong katei ka skul, kumta ka seng kala aid a ka jingthoh ha u Director ban thung nonghikai noh bad ban pynbna paidbah khnang ba ki nongthep kam ki lah ban tip.
Haba iadei bad ki artylli ki jaka pule, ka Residential School bad ka jaka pule pyntbit ia ki Nonghikai ba la ieh lyngkrang khlem da ka pyntreikam satia mynta la 8 snem eiei, ka seng kala pynpaw ha ki Director jong ka DSEL &DERT ban khmih biang bad ban iakren bad ka sorkar MDA.2 ban pyntreikam noh namar kan long ka jingmyntoi ia ki khun samla ka thaiñ naduh kiba pule bad ha ka ioh kam ioh jam ruh.
Ka seng kala buddien ruh iaka jingshah ieh shrah kine Residential School bad ka Block Institute of Teachers Education (BITE) ba don ha District bad kala ioh jingtip ba ka tnad ba dei peit, ka dang ialeh ban ioh pisa ban pynbha bad tei biang iaki na ka Central Fund bad na kaliang u Director ka DSEL ula kular ban buddien ban pynkloi khnang ban myntoi u paidbah ka district.
Haba iadei bad ka BITE, ka seng kala ioh jingtip ba ia kane ka project ym shym lah ieh shrah, hynrei ka dang don hapdeng ka jingpynkhreh ban pyntrei noh kumta ka seng kala kyrpad iaki bor ba dei khmih ba kin leit jurip ia kane ka Building bad ruh ban tip haduh katno ka lah duhnong bad katno yn hap pynbha khnang ba ka jingtei kan nym long kaba sepei.
Ka KSU-EJHD kala banjur ba ia kane ka project dei ba kyntiew noh shi syndon sha ka District Institute of Teachers Education (DITE) khnang ba kan long ka jingmyntoi iaka District baroh kawei.
Ka seng kala pynsngew ruh haba iadei bad ka National Institute of Open Schooling (NIOS) bad na ka liang ka seng kan sa thoh sha u Regional Director khnang ba ki nongshong shnong ka District kin lah ban ioh myntoi lyngba kane ka seinjam ka sorkar bad kiba pep skul shiteng por kin lah ban bteng biang iaka jingpule jong ki.
Ka seng ka la ai ruh ia ka dorkhas sha u Chairman ka Estimate committee u Bah Mayralborn Syiem bad ka kyrpad jur iaki bor kiba dei khmih ban pynkloi noh bad khamtam bad phaikhmat bha iaka pule puthi ha ka District.
 bad ka Kong R.S Manner halor ka jingbym don nonghikai Science ha Rymbai Government Secondary School bad ka jingbym pyntreikam ia Artylli ki jaka pule ka Residential School bad Block Teachers Training Institute kiba don ha Byndihati.){kind=link}