Shillong, Oct 14: Ka ding kaba la klang bha hynne ka sngi saitjain kumba ha ka por 1:15 eiei kala bamduh ia ka Building jong u Govind Singhania bad u Murli Singhania kaba don ha Thana Road, Shillong.
Haduh ba thoh ia kane ka khubor kila don bun tylli ki kali pynlip ding kiba la wan ban tem ia kane ka ding kaba la klang bha bad khamtam ban iada ia ki iing kiba don marjan bad kane ka building.
La ioh jingtip ruh ba ha kane ka jingjia ym shim la don kino kino kiban mynsaw hynrei kala don ka jingsuba jur ba ar ngut ki dang sahkut hapoh jong katei ka Building bad haduh mynta ki pulit ki dang ialeh ban pynlip ia kane ka ding.
