Mairang, Iaiong 08 : Ka KSU-Mairang ha ka sngi Nyngkong, kala dawa ia ki bor pyniaid ka Tirot Sing Memorial Hospital, Mairang, Eastern West Khasi Hills, ban ai ka jingsumar ba paka ia u briew ba mynsaw na ka jingpom pyrthat kaba jia ha ka shnong Lawkynter dang shen.
Kane ka jingdawa kala mih hadien ka jingioh pdiang ia ki jingujor ba kynnoh ba ki doktor bad ki nos jong kane ka hospital, ki leh bym suidniew ban sumar ia une u nongpang.
Ka KSU-Mairang hapoh ka jingialam u President Iohdapmiar I Mawlong bad General Secretary Robin Nongrem, kila iakyn duh ia u Medical Superintendent ka Hospital Dr Timothy Lyngdoh, ban buh ia kane ka jingdawa.
Ha kane ka jingiakynduh, ka KSU kala pan jingpynshai na une u Khiehduh ka Hospital halor ki jingkynnoh bad dawa ruh ia u, ba un wad ia ka jingshisha bad ban pynbeit noh wut wut khnang ba une u briew ba mynsaw un ioh ia ka jingsumar kaba biang.
La iathuh ba ki bor pyniaid ka hospital kila kubur ia ki jingduna bad kular ban sa pynbeit noh ia ki jingleh bakla baroh.
