Shillong, Jymmang 16: Ka kynhun ki samla pule ka Kiang Nongbah Government College (KNGC) ba ialam da u President samla Preciousstar Sten hynne ka sngi Nyngkong, kila leit ban aiti daka Dorkhas sha u Chief Secretary (CS) ka jylla ban pynsngew ia ki ba bun ki jingduna ba don ha katei ka shlem ai jingstad.
Haba kren shaki lad pathai khubor u samla Preciousstar Sten ula iathuh ba ka Kiang Nongbah Government College kadei tang kawei ka kolej sorkar ha baroh kawei ka Ri-lum Jaintia hynrei kane ka kolej ka don hapdeng kiba bun ki jingduna watla ia kane ka kolej la tei naduh shwa ba ka Meghalaya ka ioh iaka jylla ba pura.
U samla Preciousstar ula ong kaba lynngoh ka long ba haduh mynta ki ba bun ki jingdonkam ba duna, bad kane ka ktah ia ki khynnah ba leit ban pule ha katei ka College bad ia nonghikai ki ba ai jinghikai ha katei ka College
“Ka Kiang Nongbah Government College ka la dep ban Accredited B na ka NAAC hynrei haduh kine ki sngi ka Kolej ka don hapdeng ki jingbym biang ki jingdonkam kum ka building na ka bynta ki khynnah ba pule Graduation kat kum ki kyndon jong ka UGC bad NEHU” la ong u samla Preciousstar.
U samla Preciousstar ula ong ba namar ba ka College kam khlem lah ban leh kat kum ki jingbthah napoh NEHU, kane ka college ka la shah kyntait ban sdang ia ka Master Degree ha ka subject education bad kane ka dei kawei kaba la ktah ia ki samla pule jongnka dong ka thaiñ Jaintia Hills.
Ula pyntip ba kila kyrpad ia u CS ban shimkhia ban iakren bad ka tnat pule puthi ka sorkar jylla ban pynioh noh kum ki Laboratories bad ki kamra klas na ka bynta ki nongpule physics namar haduh mynta ki khunnah ba pule Physics bad Zoology ki hap ban pyndonkamlang ha kajuh ka kamra.
Shuh shuh ula ong ba ha kine ki sngi ban wan ka Kiang Nongbah Govt College kan sa sdang ruh ia ka Integrated Teacher Education programme kaba long 4 snem course hynrei tang na ka bynta kine ki Department ba la don ruh ka College kam don ia ka Building bad ki kamra klas ki ba biang.
