Shillong, Naiwieng 26: Ka Khun Hynniewtrep National Awakening Movement (KHNAM) kala dawa naka sorkar jylla ba kadei ban Register Case noh ha West Jaintia Hills pyrshah iaki Pulit Assam kiba donkti ban siat iap ia 6 ngut ki briew hapoh ka shnong Mukroh.
Ka kyrwoh lyngba u publicity secretary ka KHNAM u bah Thomas Passah ka kdew ba ka ha Mukroh ka la wanrah ka jingsheptieng ha ki paidbah ba bun balang bad ki surok kiba thylli, ki dukan ba khang khyrdep ki phah ka khubor kaba bakla sha ki ba bun balang khamtam eh sha kiwei pat ki jylla.
“Ngi sheptieng ioh kine ki jingklumar baroh ki ialam bakla noh ia ngi na ka thong kaba ngi don, kata ban pynrem ia ka jingshah thombor ki paradoh parasnam ha Mukroh bad ban pynbiang ki lad ki lynti ban pynthikna ba kane kan ym jia shuh ha Mukroh ne ha kiwei pat ki jaka” la ong ka kyrwoh.
Ka seng ka kyntu ia ka jingshongsuk shong shngaiñ ha ka jylla baroh kawei bad khamtam eh ha sor Shillong bad ka dawa jur na ka sorkar jylla ban buh mardor iaka Border Outpost ha Mukroh (Zero line) bad kumjuh ruh ha kiwei de ki jaka khappud bad ban phah da ki pulit kiba tbit ha kum kine ki jaka ban lait kum kine ki jingmynsaw.
Ka KHNAM ka dawa ruh ruh ban kyntiew noh ia ka jingiarap pisa naka T. 5 lakh shaka T. 50 lak namar lada ia ki nongak phim na bar ka jylla ka sorkar ka lah ban ai haduh T. 2 klur kan neh aiu ban ai mar T. 50 lakh ia kine ki long ïng kiba la duh noh ia u nongkamai ka ïng kan um don jingeh.
Shuh shuh ka KHNAM ka dawa ba dei ban phah ka jingthoh kaba shai sha ka sorkar Assam ba ki pulit Assam kim lah ban rung sha u pud u sam ka jylla khlem ka jingioh jingbit na ka Sorkar jylla bad ban bujli noh ia u myntri ka tnat kam pohïng bad ban buh noh da u ba lah ban kit ia ka kam kumba la bynshet.
