Shillong, Risaw 17: Namar ka jingsdang biang ka jingiaid shakhmat ka jingiakren halor ka jingpynkylla ia ka Sixth Scheduled, ka Khun Hynniewtrep National Awakening Movement (KHNAM) kala dawa na ka District Council ba ka dei ban lum iaka jingialang bad baroh ki seng saiñ pyrthei ban iatai ha ka ban shim ia ka rai kaba khatduh.
Katkum ka kyrwoh na u Working President ka KHNAM Bah Thomas Passah, ula ong, “Ka KHNAM ka dawa ba ka District Council kadei ban pynkhreh bin ba bin bad shim jingmut ruh na kiba bun balang halor kane ka kam, khnang ban lait na ka jingmynsaw”.
“Ka seng kala dep ban ai jingmut halor kane ka bynta ha ki por ba la leit, kiba kynthup ia ka jingweng noh ia ka Para 12 (a), ba ym dei ban don kito kino ki kyndon ki ban ai bor ia ka sorkar Jylla lane ka sorkar Pdeng ban tuklar halor ki bor ka District Council, ban ym dei ban pynkylla ia ka kyrteng na ka Autonomous sha ka Territorial Council bad ruh ban khanglad ia ki Unrepresented Tribe ban long kum kita ki MDC ba shu sieh” ong u nongialam ka KHNAM.
Ula ong ba ka council ka dei ruh ban buh shwa ha ki rynsan paidbah ia kita ki jingtyrwa shwa ban phah sha ka Sorkar Pdeng khnang ban lait na ki kynrum kynram hadien.
“Kum ka seng ngi sheptieng ioh ka Sorkar Pdeng ka pynkylla ia ka Sixth Scheduled da ka jingthmu barieh ban ioh ban tih ia u marpoh khyndew “Uranium” bad ngi khmih lynti ruh bad ka Council kan khot ia ka jingialang jong ki seng saiñ shwa ban shim ia ki rai ba khatduh” la pynkut u Bah Passah.
 kala dawa na ka District Council ba ka dei ban lum iaka jingialang bad baroh ki seng saiñ pyrthei ban iatai ha ka ban shim ia ka rai kaba khatduh.){kind=link}