Shillong, Naiwieng 26 : Ka Khun Hynniewtrep National Awakening Movement (KHNAM) ha ka sngi Ba-ar, kala dawa ia ka Khasi Hills Autonomous District Council (KHADC) ban leh eiei kat kum ka ain pyrshah ia ki briew kiba dei na ka Jaidbynriew Garo, kiba treikam kum ki Rangbah Shnong hapoh u pud u sam ka Hima Mylliem.
Ka KHNAM kala kynnoh ruh bad kine ki Rangbah Shnong Garo kila donkti ha ka jingdie be-ain ia ki jaka ha Ri-Bhoi District.
Ha ka shithi sha u Deputy Chief Executive Member (DyCEM) Bah PN Syiem, u Working President ka KHNAm Bah Thomas Passah ula ong “Namar kata, ngi dawa jur ba dei ban leh eiei mardor kat kum ka Ain pyrshah ia kine ki briew khnang ba ka ain kan ieng rasong”.
Ula kynnoh ba ki briew kiba dei na ka Jaidbynriew Garo kila treikam kum ki Rangbah Shnong ha ki shnong kum ka Maikholi, Pillangkata A, Iongkhuli, Mawiong, Gambalbari, Jyrmang, Jolsyiem, Rangsakona, Chibra, Nongspung A bad Nongspung C, kaba pynkhein ia ka Khasi Hills Autonomous District (Appointment and Succession of Syiem, Deputy Syiem, Electors and Rangbah Shnong of Mylliem Syiemship) Act, 2007.
U Bah Thomad ula ong ba kat kum ka kyndon 2 (o) jong ka 2007 Act kala kren shai ba u “Rangbah Shnong” mut dei u Khliehduh jong ki Shnong kiba hap hapoh ka jingpyniaid bad u pud u sam ka Hima Mylliem kiba dei na ki Jaidbynriew Khasi bad bala thung kat kumki kyndon jong kane ka Ain.
“La ioh jingtip ruh ba kala don ka jingdie ia ki jaka hapoh ka jingaibor jong kine ki Rangbah Shnong beain sha ki breiw ki bym dei na ki Jaidbynriew Khasi, kaba dei ruh ka jingpynkhein ia ka kyndon 3(1) jong ka Meghalaya Transfer of Land (Regulation) Act, 1971,” ula ong.
“Kane ka jingleh beain lada ym tehlakam da ka lynti ka ain, kan pyniap ia ka jingmut jong ka 6th Scheduled” ula bynrap.
 ha ka sngi Ba-ar, kala dawa ia ka Khasi Hills Autonomous District Council (KHADC) ban leh eiei kat kum ka ain pyrshah ia ki briew kiba dei na ka Jaidbynriew Garo, kiba treikam kum ki Rangbah Shnong hapoh u pud u sam ka Hima Mylliem.){kind=link}