Shillong, Iaiong 28: Ka Jaintia Students Union (JSU) ka dawa na ki bor pulit ka Jylla ban shim ia ki lad ki lynti kiba tyngeh ban khanglad ia ka jingwan buhai shnong beain ki mynder ri.
Ka JSU lyngba ka shithi sha ki Superintendent of Police (SP) ka West bad East Jaintia Hills District ka la pynpaw ia ka jingsngewkhia halor ka jingjur jong ki nongwan huhai shnong beain na Bangladesh kiba wan rung sha India lyngba ki jaka khappud jong ka ri-lum Jaintia.
“Ka jingwan rung tuh ka paw ba ki jia da ka jingïarap jong ki agent trai ri (dalal) kaba pynmih ïa ka jingsngewkhia kaba jur halor ka jinglong jingman haki thain khappud jong ngi” kala ong.
“Namar kane ngi kyntu jur ïa ka tnat pulit ban shim khia mardor ban tehlakam ïa kum kine ki kam da kaba pynkhlain ïa ki khyrdop talasi ïa ki nongwan rung tuh, da kaba pynjur ïa ka jingtalasi ïa baroh ki kali, khamtam eh ïa ki kali jngohkai pyrthei bad kiwei kiwei ki kali ba la suba ba ki kit iaki nongwan rung be-aiñ shapoh ka Jylla” kala ong.
Ka JSU ka kyntu ruh ïa ka tnat pulit ban pynkhlaiñ ïa ka jingïatreilang bad ki shipai border security force (BSF) ban peitngor bad ban ïada ïa ki jaka khappud.
“Ngi kyrmen ba ka tnat kan shim khia bha ïa kane ka kam bad kan leh stet ban ïada ïa ka jingshngaiñ, ka jinglong kyrpang, bad ka jingmyntoi jong ki trai ri trai muluk jong ka thaiñ,” ka la bynrap.
 ka dawa na ki bor pulit ka Jylla ban shim ia ki lad ki lynti kiba tyngeh ban khanglad ia ka jingwan buhai shnong beain ki mynder ri.){kind=link}