Shillong, Risaw 31: Ka Jaintia Students’ Union (JSU) ha ka sngi Thohdieng, kala thoh sha u Chairman ka Meghalaya Public Service Commission (MPSC) halor ka jingiatyngkhuh ka eksamin MPSC bad ka eksamin jong ka District Selection Commission (DSC) West Jaintia Hills.
Kane ka jingiatyngkhuh ki sngi thoh eksamin ka la wanrah jingeh ïa ki samla kiba kwah ban ïaleh ïa baroh artylli ki eksam.
Ka JSU ka la kyrpad ïa ka MPSC ban pynthikna ba kum kine ki jingïatyngkhuh ki sngi thoh eksamin kim dei shuh ban jia bad ka seng kala kyntu ruh iaka Chairman ban pynthikna ba kan don ka jingiatreilang hapdeng ki bor pynïaid eksamin MPSC bad DSC.
Ka seng ka ngeit ba ka jingïatreilang hapdeng ka MPSC bad ki DSC kan ai ka lad iaki samla ban ioh iakhun iaki eksamin jong ka MPSC bad DSC khlem da don ka jingityngkhuh ki sngi thoh eksam.
Ka JSU ka la kyntu ruh ia ka MPSC ba kan bishar bniah halor kane bad ban shim ia ki lad ki lynti ban pynthkna ba kum kine ki jingjia kin nym jia shuh.
