Shillong, Jymmang 21: Ka Jaiñtia Students Union (JSU) hynne ka sngi Balang, ka la dawa na ka Sorkar Jylla ban sdang noh da ka klas miet (Evening Section) ha Kiang Nangbah Government College (KNGC) bad ka klas step (Moring Section) ha Government Boys’ Higher Secondary School (GBHSS) Jowai na ka bynta ban pynbun ïa ka jingpynrung Class iaki samla ban weng ïa ka jingbym ioh rung klas.
Ha ka dorkhas ba aiti sha u Myntri Rangbah ka Jylla u Conrad K Sangma, ka JSU ka la ong ba ka jinglah ban pdiang ia ki samla pule mynta ka KNGC ka long tang 350 ngut na ka bynta baroh ar tylli ki Section A bad B ha ka Moring bad Day katba ka GBHSS ka lah tang 115 ngut ki samla pule ha ha baroh Section.
“Halor kine ki jingduna bad ka jingdawa pynkiew na ka bynta ki jaka pule Higher Secondary ngi kyrpad jur ïa ka Sorkar ban Evening Section ha KNGC bad Morning Section ha GBHSS ban pynbun ïa ka jinglah ban pdiang ïa ki samla pule” la ong ka dorkhas.
“Nalor kata, ngi ai jingmut jur ban tei shuh ïa ki iing (Building) ha baroh ar tylli ki jaka pule ban kyrshan ïa ka jingpynroi ïa ki jingtei ban pyndap shuh shuh ïa ka jinglah ban shim bun ki samla pule” la ong ka JSU.
Ka JSU kala ong ba kane kan iarap ban pynbeit ia ka jingeh kaba dang iai bteng jong ka jingduna ka jinglah ban pdiang ia ki samla pule haki jaka pule, kaba la pynlong ia kiba bun ki samla pule ban shah kyntait ban rung Class ban bteng haki jingpule ba kham shalor.
