-->

Dawa ka JNC ia ka kompani ban pynduna ia ka jingpum pum haba shna ia ka surok NH-06

Date:

Share post:

Shillong, Jymmang 19: Ka Jaiñtia National Council (JNC) Khliehriat Circle ka la dawa ia ka Purbanchal Buildtech Pvt Ltd ba kan shimkhia ha kaban pynduna ia ka jingpynmih pum pum ha ka por pyntrei ïa ka surokbah National Highway-6 ha Khliehriat ka East Jaiñtia Hills.
Ka JNC kala kdew ba ka jingpum pum ka la ktah haduh katta katta ïa ki nongleit nongwan, kynthup ïa ki samla pule bad ki nongshong shnong jong ka thaiñ.

Ha ka kyrwoh, ka JNC ka la pyntip ba kala thoh ruh sha u Deputy Commissioner, ban ai jingbthah kaba donkam sha ka Company ba kan pynthikna ha kaban theh um man ka por ia ka surok ha ka por ba shna ia ka surok ban weng ia ka jingpum pum.

Ka JNC kala ong ba wat hapdeng ka hukum ba la pynmih da u DC, ka Company kam shym la lah ban shim ia ki lad jingiada na ka jingpumpum.

“Namar kata ngi la ïakynduh ïa u Engineer bad dawa ban shim iaki sienjam ban iada naka jingpynmih pum pum. Ngi la pynpaw ïa ka jingktah kaba sniew jong ka pump um ïa ka koit ka khiah jong ki paidbah bad ka jingim ba man la ka sngi, da kaba kyntu ba ïa ki jingkyrpad jong ngi dei ban pynbeit khlem da pynslem,” la ong ka kywroh naka JNC.

Ka JNC kala pyntip ba u Engineer jong ka kompeni u la pynthikna ban shim iaki sienjam ban pynkhuid iaka surok arsien shisngi.

Ha kajuh ka por, ka JNC ka la maham ban shim ia ka rai kaba tyngeh lada ka kompeni kam lah ban weng ia katei ka jingeh.

Share post:

-->
spot_img

Popular

More like this
Related

Meghalaya gets ₹779 crore as advance tax devolution ahead of festive season

Guwahati, Oct 1: The Union Government has released an...

Kut noh ka jinglehniam Puja |Palat 70 tylli ki Blei la pynngam ha Wah Umkhrah

Shillong Risaw 02: Ki paid riewngeit Hindu kiba sah...

Pyrshah ka UDP ia ka OM ka Sorkar pdeng ban tih Uranium ha Meghalaya

Shillong, Risaw 02 : Ka United Democratic Party (UDP)...