Shillong, Jylliew 05 : Ka Jaintia National Council (JNC) kala dawa ia ka Sorkar Jylla ba ka dei ban shim ia ka jingkitkhlieh ia ka longiing jong ka Longkmie kynthup ia ki 7 ngut ki Khun, kaba iap na ka jingkynnoh khein sting ki nongtrei ka MCH Hospital, Jowai.
Kane ka Seng kala pynrem jur ia kane ka Hospital hadien ka jingkhlad noh jong kane ka longkmie Kong Pynshe Bareh lem bad I Khunlung ba dang pun ha kpoh, kaba dei na ka shnong Jalaphet, East Jaintia Hills.
Kane ka jingjia kala jia namar ka jingkynnoh ba khein sting ki nongtrei ka hospital kynthup ki doktor bad ki nos.
Ka JNC kala dawa jur ba ka Sorkar ka dei ban pynthikna ha kaban pynbit pynbiang ia baroh ki jingdonkam jong ka Iing kane ka Longkmie khamtam eh ia ki khun.
Nalor kane, ka Council kala dawa ia ka Ophis DMHO, West Jaintia Hills ba kan thung ia ka jingtohkit ba kyrpang bad ban pynshitom ia kito kiba donkti ha kane ka jingjia.
Ka JNC kala kynthoh “Ban shu ialehkai ia ka jingim briew ka dei ka bym lah satia ban pdiang da lei lei ruh”.
 kala dawa ia ka Sorkar Jylla ba ka dei ban shim ia ka jingkitkhlieh ia ka longiing jong ka Longkmie kynthup ia ki 7 ngut ki Khun, kaba iap na ka jingkynnoh khein sting ki nongtrei ka MCH Hospital, Jowai){kind=link}