Shillong, Jylliew 27: Ka Jaintia Joint Action Committee Border Issue (JJACBI) ka la kyntu ia u Symbud Myntri Rangbah ka Jylla Bah Prestone Tynsong uba khmih iaka tnat kam pohiing (Police), ban phah mardor ia ki Pulit Special Force-10 (SF10) sha ka shnong Lapangap West Jaintia Hills.
Ia kane ka jingdawa ka Committee kala kdew ïa ka jingjur jong ka jingïakynad kaba la wanrah da ka Karbi Anglong Autonomous Council (KAAC) bad kiwei ki kynhun ïatreilang kiba la khanglad ïa ki kam rep khamtam ha ka por thung bad ot kha.
Ka Committee kala kynnoh ba ki Pulit Assam ki iarap shiliang kata ban kyrshan ïa ki katto katne ki kynhun jaidbynriew Karbi bad kane kala wanrah ka jingbym shngain hapdeng ki jaidbynriew Pnar kiba shong ba sah ha Lapangap bad ki jaka ba marjan.
Ka la ong ba ka ka long kaba donkam iaka Sorkar Jylla ban phah daki Pulit SF10 ban ai jingiada na ka jingshah pyntieng, ban tehlakam iaka jingwan rung tuh, bad ban tehlakam iaka jingshah khanglad ban trei iaki kam rep, ban wanrah biang bad pynneh ia ka jingsngewshngain hapdeng ki nongrep bad ki longiing.
Ka Committee ka la kyntu ia ka Sorkar ban leh kyrkieh ia kane ka kam bad ban pyntreikam daki Pulit SF10 ha ka por thung bad ot kha khnang ban iada ia ka hok, ka jingim jong ki paidbah jong ka shnong Lapangap.
 ka la kyntu ia u Symbud Myntri Rangbah ka Jylla Bah Prestone Tynsong uba khmih iaka tnat kam pohiing (Police), ban phah mardor ia ki Pulit Special Force-10 (SF10) sha ka shnong Lapangap West Jaintia Hills.){kind=link}