Dawa ka HYC na Delhi ban tohkit CBI ia ka jingkynnoh bamsap halor ka Saubhagya Scheme

Date:

Share post:

Shillong Naitung 20: Ka Hynniewtrep Youth Council (HYC) kala phah daka dorkhas sha u Cabinet Secretary jong ka Sorkar Pdeng bad kala dawa ban phah tohkit ha ka Central Bureau of Investigation (CBI) ha kaba iadei bad ka jingpyndonkam bakla bad jingai kontrak ban pyntreikam iaka Saubhagya Scheme ha ka jylla Meghalaya ka bym shim la iaid ha ka lynti kaba dei.

Katkum ka dorkhas kaba la phah da u Secretary ka HYC u Bah Roykupar Synrem u la pynpaw, ba naduh ba ka sorkar pdeng kala sdang pyntreikam ha u Risaw 2017 iaka “Pradhan Mantri Sahaj Bijli Har Ghar Yojana-Saubhagya” Scheme ban pynbiang iaka bording elektrik ha ki iing ki sem kiba don ha ka ri baroh kawei, kumta ka sorkar Meghalaya ruh kala mynjur ban pyntreikam lang ia katei ka skhim pynbiang bording bad ha u Iaiong 2018 la sdang pyntreikam ia ka skhim ban sam bording elektrik ha man la ki iing ki sem kiba don ha ka jylla.

U General Secretary ka HYC u la pynpaw ba ka jingpyntreikam ia ka SAUBHAGYA Scheme ha ka jylla, kala dap sa tang da ki jingkynnoh ba ka don ka jingbamsap, ka jingleh buittuh bad ka jingshah liang ha kaban aiti iaka kam kontrak, hynrei ka sorkar jylla kala kyntait wiar ia kitei ki jingkynnoh baroh.

Ka HYC, kila pynpaw ba katkum ki jingtip kiba la iohlum lyngba ka RTI, la shem ba ka ophis u CAG kala ai ia ki katto katne ki jingkynthoh kiba long kongsan bha bad katkum ka Audit Report, la kdew shai ba ka Audit Team kala kdew ia kiba bun ki jingduna bad jingdkoh haka jingpyntreikam ia katei ka skhim haka jylla kynthup iaka jingshah liang ia kawei ka kompani ban ioh ia ka kam ka jam ban pyntrei.

U Bah Roykupar Synrem u la pynpaw ba ka Meghalaya Power Distribution Co. Ltd (MePDCL) kala aiti iaka DPR na ka bynta ka Khasi bad Jaintia Hills District bad na ka bynta ka Garo Hills District ha kaba ka projek baroh ka kot sha ka T.508.48 klur. Ka sorkar jylla kala khot tender haka 10 tarik u Nailar 2018 bad kala phiah ia katei ka kam, kata ka Package A (Khasi bad Jaintia Hills district) bad ka Package B (Garo Hills Districts). Kila don 4 tylli ki kynhun kiba la thep iaka tender bad ha ka jingkhmih iaka Financial bid, 2 ngut la shem ba kila long kiba biang, hynrei la shem ba ka jingoh dor ka jongki ka heh haduh 55% bad 59% naka dor kaba la buh. U Cabinet Secretary, GOI ha ka jingialang kaba la long haka 14 tarik u Nohprah 2018 ula ai jingmut ia ki heh ophisar jongka GoM/MePDCL ban pyntreikam hi noh da ki tnad bapher ia katei ka kam, khamtam haba ka dor kaba la oh da ki kontraktor kala heh shaba palat bad na ka liang ka sorkar jylla kala bthah iaka MePDCL ban bud ryntih ia ki jingbthah jong u Cabinet Secretary ka sorkar pdeng.

Ka MePDCL kala leh bad iaid pyrshah ia katei ka jingbthah jong u Cabinet Secretary bad hadien ka jingiakren bad kitei ki ar ngut ki kontraktor, kala shim ia ka rai ban aiti ia ka kam ha ki kata haka dor 50% bad 54% kaba la leh na ka dor kaba la buh, sha ka M/s Satnam Global Infraprojects Ltd naka bynta ka Package A ha ka jinglut jingsep kaba kot T.173.60 klur bad sha ka M/s Onycon Enterprises iaka Package B ha ka jinglut jingsep kaba kot T. 179 Klur.

Ka HYC kala pynpaw ruh ba kala don ka jingpynduh pyndam ia ki kyndon ha ka jingthep ia ka tender, ka jingailad iaka M/s Satnam Global Infraprojects Ltd bad M/s Onycon Enterprise, kala don ruh ka jingpyndam iaki kyndon kaba la ai jingmyntoi iaka M/s Patel Engineering and ONYCON ia kaba kim dei hok wat ban ioh ia ka kam.

U General Secretary ka HYC u la pynpaw ba ka kynhun Audit kala shem ruh ba ha ka jingkhmih bniah iaki Bill kiba la mynjur daka MePDCL ha ka jingpynbiang ia ki tiar ki tar naka bynta ka SAUBHAGYA Scheme la lap ba la siew T.1.02 Klur kum ka bai Insurance hynrei ki kot ki sla jongka Insurance Policy la shem ba la siew tang T.59,000, ka (M/s Satnam Global kam shim la siew eiei bad ka M/s ONYCON kala siew T.59,000/-) kumta la shem ba ka jingsiew iaka Insurance haka jinglut kaba T.1,02,67,395/- la siew be-aiñ sha ka M/s Satnam Global bad M/s ONYCON.

Halor kine ki jingdkoh bad rukom ai kam ka bym dei, naka liang jong ka HYC kala dawa ba dei ban phah tohkit haka CBI ban lap iaka jingshisha baroh haka jingpyntreikam iaka Saubhaya Scheme bad ban pynshitom da kaba tyngeh katkum ki kyndon aiñ pyrshah ia kito kiba donkti ha kino kino ki kam sniew.

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...