spot_img

Byrngem ka Sorkar ban leh tyngeh ia ki SMC ba ailad ia ki Nonghikai SSA ban iakhih

Date:

Share post:

“Ngin ai da ka hukum ‘No Work-No Pay” ne pynduh ia ka Grant”: Lahkmen

Shillong, Naitung 20: Ka Sorkar Jylla hynne ka sngi balang, kala maham ban leh da kaba tyngeh haduh u pud ban pynmih hukum “No Work-No Pay” (Ym don jingsiew ia kibym trei”, lane pynsangeh noh shisyndon ia ka jingai grant sha ki School Managing Committee (SMC) lada ki Nonghikai SSA kim leit phai noh sha la ki jong ki skul ban shim klas ia ki Khynnah.

Haba pynpaw ia ka jingsngewkhia ia ka jingiakhih, u Myntri ka Tnad Pule Puthi ma Lahkmen Rymbui ula kyrpad ia ki Nonghikai SSA ba kin leit shim klas noh namar ka Sorkar Jylla kala dep ban pyndep ia baroh ki jingdonkam bad ka dang ap mynta satang ia ka Sorkar Pdeng ba kan pyllait ia ka Installment ba nyngkong ha kaban pyllait noh ia ka tulop ba san bnai ba sahteng.

“(Hynrei), lada kim leit shim klas noh, ngim don lynti pat da kumwei lait na ka jingpynmih hukum “No Work-No Pay” lane ngin pynkut noh ia ka jingai grant ia ki SMC jong kito ki skul kiba khang wat hapdeng ki jingkyrpad jong ka Sorkar Jylla” maham u Ma Lahkmen.

Kat kum ka jingong jong u, ka Sorkar kam don lynti pat da kumwei lait na kaba shim ia ka sienjam ba tyngeh pyshah ia ki SMC lada ki Nonghikai ki dang iai shong ha surok ban iakhih bad pynduh ia ki khynnah skul ban ioh ia ki jinghikai.

Haba pynpaw ba ka Sorkar Jylla kan nym leh klet ia ka kamram ban pynbeit ia kane ka jingeh kaba mynta, u ma Lahkmen ula ong “Ki don da u pud ia baroh bad ngi dei ban iatreilang halor ki jingdawa jong ki” haba bynrao baka Sorkar Jylla kala kut jingmut ban pynthymmai noh ia ka rukom treikam bad ban shim ia ka sienjam ha kaban pynsting ia ka jingkit bad ka jingtynjuh ia ki Nonghikai.

“Haba ong ia kane, kam dei pat kaba suk ban pynbeit bad namar kata nga kyrpad ia ki nonghikai ba kin leit shim klas noh” ula ong.

Palat 6000 ngut napdeng ki 12,541 ngut ki Nonghikai SSA kila iathiah ha surok marjan ka Additional Secretariat kum shibynta naka jingiakhih da kaba iashong kyllain myngot ba khlem pud pyrshah ia ka jingbym lah ka Sorkar ban pyllait noh ia ka tulop ba dang sah sa 5 bnai.

U Ma Lahkmen ula kular ba mar syn pyllait pisa ka Sorkar jong ka installment ba nyngkong, ka Sorkar Jylla kan sa pyllait noh mardor sha ki SMC ba kin siew ia ka tulop jong ki Nonghikai.

“Nga la dep batai sha ki (Nonghikai) na ka por sha ka por baka Sorkar Jylla kan ym pynsyrwa kai ia ka por lada kala ioh ia ka pisa naka Sorkar Pdeng. Ngim lah ban leh eiei katba ka Sorkar India kam pat pyllait ia ka bhah ba ka dei ban ai sha ka Sorkar Jylla” ula ong.

Haba kylli, une u Myntri ka Tnad Pule Puthi ula ong “Ka jingiakren bad ka Ministry of Education kala iaid man ka por namar ka Sorkar Meghalaya ka donkam ia ka Sorkar Pdeng ban pyllait ia ka song pisa. Ia mynta, ngim pat ioh satia ia ka jingtip lano baka Sorkar Pdeng kan pyllait ia ka pisa hynrei ngi la ioh ia ka jubab ba ka pynbit pynbiang ia baroh ki jingdon kam kala iaid shakhmat ban pyllait ia ka song pisa”.

U Ma Lahkmen ula iathuh ba ka bhah jong ka Sorkar Pdeng ka long haduh 90% bad kala buh ia ka tulop ba T. 15000. Ka Sorkar India kala siew 90% n aka T.15000 bad palat ia kane kata ka 10% tam kaba long T. 4000 lane T.5000 yn hap ban siew da ka Sorkar Jylla.

“Kumba phi iohi ia ka jingpynbna ka Sorkar India ba ia kane ka skhim la pynjlan haduh u snem 2025 lane 2026 bad manla u snem, ka jingmang pisa ka dang duna da 5 % bad kane kala buh ha ka jingeh kaba khraw hynrei kumba nga ong ba ngin ym leh klet pat ia ka jingbahkhlieh ba ngi la shim” ula ong.

Share post:

spot_img
spot_img

Popular

More like this
Related

Thoh ka Sorkar sha ka UGC ban ithuh noh ia ka Captain Williamson Sangma University

Baroh ki College Sorkar bad ki Aided kin hap...

Kular ka DGP ban leh eiei halor ki nongpynkulmar shnong bad ki jingeh ki PWD

Shillong, Jymmang 30: Ka Director General of Police (DGP)...

Kurup ka Tnad Custom ia ka bniat hati ba khia 27 kilo

Shillong, Jymmang 30 : Ha ka jingkhynra pyrshah ia...

Kyndit ka KSU ba phah pyniasoh ka Sorkar ia ki College sha ka Williamson Sangma University

Shillong Jymmang 30: Ka Khasi Students Union kala pynpaw...
spot_img