Shillong, Nailur 22: Ka Hynniewtrep Youth Council (HYC) kala dawa na ka Sorkar Jylla ban lum ia ka Dorbar Kyrpang jong ka iingdorbar thawain ka jylla ban mynjur noh da ka Resolution ha ka ban pyrshah ia ka Office Memorandum kaba la pynmih da ka Ministry of Environment, Forest and Climate Change’s (MoEFCC) bad ban pynkut noh ia kano kano ka jingtyrwa ban tih ia u Uranium hapoh ka jylla Meghalaya.
Ha ka shithi kaba la phah sha u Myntri Rangbah ka Jylla u Conrad K Sangma hynne ka Sngi Nyngkong, ka HYC kala ong, “Kumta ngi kyntu ia u Myntri Rangbah ka jylla ban shim ia ki lad ki lynti bad ia ki sienjam kiba mardor ban lum ia ka ‘Special Session’ jong ka iingdorbar thawain ka jylla ban mynjur iaka Resolution ban pyrshah jur ia ka “Office Memorandum kaba 8 tarik u Nailur, 2025 kaba la pynmih da ka MoEFCC, Impact Assessment Division, ka Sorkar India hapoh jong ka phang ban pynkloi ia ki kam ki jam jong ki projek kiba iadei bad ka jingtih ia ki marpoh khyndew kiba kongsan Critical, Strategic bad Atomic Minerals-reg. ha kaba iadei bad ka jylla ka jong ngi bad ban pynpaw sha ka sorkar India ban pynkut noh ia kino kino ki prokram ne jingtyrwa ban tih Uranium hapoh ka jylla Meghalaya.”
Katkum katei ka Memorandum la pyllait na ka jingdonkam ban iasyllok bad ki paidbah ne Public Hearing na ka bynta ki projek kiba iadei ban tih ia ki marpoh khyndew kiba kynthup hapoh ka Atomic Minerals kum u uranium, kaba long ka bynta kaba kongsan jongka Environmental Impact Assessment (EIA).
Ka HYC kala ong ba ka jingiasyllok bad ki paidbah bad ka jingsngap ia ka jingpynsngew ki paidbah ka long kaba kongsan bha ban pynthikna ia ka khuid ka suba ha kaban shim ia ka rai kiba ktah ia ki trai ri trai muluk.
Ka HYC kala kyntu ba ki projek tih marpoh khyndew khlem ka jingiasyllok bad ki paidbah kan buh ha ka jingma kaba khraw ia ka jingim bad ia ki pateng jong ki jaidbynriew bapher ha Meghalaya.
Nalor kane, kala kdew ruh ba ka jingpyllait na ka jingpyntreikam, ka long ruh kum ka jingniewpoh ia ki rynsan paidbah bad kiba donbynta ha ka kam ban pynsngew ia ka jingsngewkhia ka jongki bad ban ai ia ki jingtip, ban ailad ia ka imlang sahlang ban ioh ia ki jingtip kiba kongsan shaphang ka jingshah ktah ka mariang bad ki paidbah.
Nalor kane ka HYC kala pynbna ia ka rai ban pynlong ia ki jingialang paidbah ha West Khasi Hills, South West Khasi Hills district bad ha Shillong ban pynshai shaphang katei ka Office Memorandum bad ban pan iaka jingkyrshan ban kyntait ia ka jingtih ia u Uranium ha ka rilum Khasi-Jaintia.
 kala dawa na ka Sorkar Jylla ban lum ia ka Dorbar Kyrpang jong ka iingdorbar thawain ka jylla ban mynjur noh da ka Resolution ha ka ban pyrshah ia ka Office Memorandum kaba la pynmih da kaMinistry of Environment, Forest and Climate Change's (MoEFCC) Office bad ban pynkut noh ia kano kano ka jingtyrwa ban tih ia u Uranium hapoh ka jylla Meghalaya.){kind=link}